Tàm pơrjum, kuang bàng đơng lam 3 kơnhoàl Dà Huoai, Dà Teh mờ Cát Tiên neh yal cồng nha lơh jăt broă tơrgùm wơl, rơndăp wơl ală mpồl lơh broă sră nggal tàm xã.

Chủ tịch UBND càr Lâm Đồng ồng Đoàn Văn Việt đơs niam ală cồng nha mờ 3 kơnhoàl do neh lơh geh tàm broă lơh jăt broă tơrgùm wơl ală mpồl lơh broă sră nggal tàm xã.

Chủ tịch UBND càr đơng lam, 3 kơnhoàl pal tơmù ală kal ke mờ chồl pràn broă lam sồr kờ` lơh gơs broă tơrgùm bal, rơndăp wơl mpồl lơh broă sră nggal di jăt mờ ală tơngu me tàm Nghị quyết bơh Ủy ban Thường vụ Quốc hội neh ai; gàr niam ală broă lơh chính trị tàm xã pa lài mờ ngai 29 nhai 2 mờ tus ngai 1 nhai 3 ală mpồl lơh broă tàm xã pa geh mùl màl lơh broă.

Cau mblàng Ndong Brawl