VOV4.K’ho- Bơh 10 nam lam lơh srơh “Sa tềp tai bơh cau r[ah mờ cau gơtìp sơnơm khih dioxin lơh aniai”, Mpồl Chữ thập đỏ càr Lâm Đồng pơgồp bal mờ ală ban, gah, mpồl cau mờ ală tiah neh hòi jà tă pơgồp geh mờr 400 rbô bơnah phan, kờp priă mờr 120 tơmàn.

Nàng pơn jăt tai lơh jăt ală cồng nha lơh geh mờ tơnguh bơta niam srơh “Sa Tềp tài bơh cau r[ah mờ cau gơtìp sơnơm khih dioxin lơh aniai” sơnam pa Canh Tý 2020, Mpồl Chữ thập đỏ càr Lâm Đồng geh jơnau kờ` hòi jà tă pơgồp geh 48 rbô bơnah phan, kờp priă là bơh 400 tus 500 rbô đong tàm dùl bơnah.

Mơkung rcăng lài kờp sền, sền swì wơl cau r[ah mờ cau gơtìp sơnơm khih dioxin lơh aniai tàm tiah he dê nàng pleh lời hu\i mờ pà tìs cau; geh broă rơndăp lơh hòi jà kuang bàng, đảng viên, làng bol tàm càr tus bal mờ lơh uă ală broă lơh hòi jà ală mpồl cau, cau dùl nă să is, mpồl lơh sa kă bro, ală cau geh nùs nhơm niam tus bal dong kờl; rề ơnàng lơh uă mờ lơh li la ală broă hòi jà geh broă lơh dong kờl gơcèng bơta bơtàu tơnguh jo\ jòng bè, jàu pà hìu bơta nđàc, pà kơnrồ me, pà phan ngui drơng broă lơh sa, sơntìl chi tam, phơng sih…

Cau mblàng Lơ Mu K’Yến