VOV4.K’ho - Tơnơ\ mờ mờr 6 nam lơh jăt, broă tam wơl kơphe tàm càr Lâm Đồng neh dong kờl lơh kơnòm wơl suơn kơphe neh kra, bă suơn kơphe gơtìp tu, kòp, cồng nha ờ uă ờ jai lơh tơn pràn wơl, pơgồp bal tàm broă ai cồng nha broă lơh kơphe càr in.

Jăt rơndăp broă, tus nam 2020, càr Lâm Đồng pal tam pa wơl 48 rơbô lồ kơphe mơya tus nhai 9 nam 2019, càr Lâm Đồng neh tam pa tus 58 rơbô lồ, sơlèt mờ 127% khà rơndăp broă geh ai. Cồng nha bơh càr Lâm Đồng geh uă ngan tàm ală càr Tây Nguyên, pơn drờm mờ ală càr rềp bal tam wơl geh mờr bơh 70 tus 80% khà rơndăp broă.

Ờ mìng geh bè bă ù tam wơl, càr Lâm Đồng tam wơl kơphe jăt broă lơh kơl jăp, sền gàr tiah kis, bơ\t bơtàu ù tiah niam geh cồng nha niam. Pơn drờm mờ ală càr Tây Nguyên mờng tam bơrbu\ bal bè: tiêu, [ơ, sầu riêng, tam bơrlu\ bal mờ kơphe tàm càr Lâm Đồng geh sền là geh uă bơta rơlao bè bơta jơi phan tam bè: tòm macca, [ơ, sầu riêng, hồng, tòm chi brê bè muồng, pơngir jù, sưa…, geh uă bơta sinh học. Tu\ do, bă ù geh tòm chi tìm kơphe tàm càr Lâm Đồng neh rơlao 20 rơbô lồ, geh 13% bă ù tam kơphe mờ gam pơn jăt tai gơguh, do là bơta niam bơh broă tam phan kơl jăp dê.

Cau mblàng Ndong Brawl