VOV4.K’ho – Tềng đap gơlik geh kal ke bơh kòp Covid-19 dê, tàm nhai ơruh pơnu nam do, cau kơnòm să Dak Lak, tàm hơ\ geh ală bơ yô kơnòm să tàm mpồl ling neh mờ gam lam lơh ua\ broă lơh mblàng yal dong làng bol tơnguh jơnau git wă, at tê bal mờ mpồl bơtìan rơcang sơndră kòp bơ tờp, ngan là tàm ală tiah làng bol kòn cau, tiah sar lơgar ngài.  

Bơh bồ nhai 3 tus tu\ do, bal mờ broă iat ală jơnau tơnggit pờ tơlik pah ngai tàm loa pờ tơlik jơnau đơs, làng bol tàm xã Cuôr Dăng, kơnhòal Cư Mgar, càr Dak Lak gam sùm geh đoàn viên ơruh pơnu tàm [òn lơgar tus tàm hìu nàng mblàng yal bè broă rơcang sơndră kòp Covid-19. Bi H’Ni Kô Êban, ơm tàm [òn Kroa B, xã Cuôr Dăng pà git: “A` geh iat anih pờ tơlik jơnau đơs yal mờ geh đoàn viên ơruh pơnu tus tàm hìu nàng mblàng yal nàng git bè bơta chài rơcang sơndră kòp. Jat hơ\ den bol hi geh pơlam ràu tê mờ sơ [ong, sền gàr pràn kơldang să jan, gàr kloh niam, sùm jùt ràu hìu đam mờ ală phan ngui. Tu\ lòt tus tiah geh gal cau den pal pơn chèu glòm muh mat”.

Pơlam tơn làng bol bơta chài ràu tê mờ pơn chèu glòm muh mat di mờ jơnau pơlam bơh Bộ Y tế dê, ơruh pơnu tàm [òn lơgar gam phàt sră cih jơnau tơnggit bè rơcang sơndră kòp bơ tờp. Jat ồng Y Ro Niê, mat mờng hòi là ồng Nuôl ơm tàm [òn Cuôr Dăng, xã Cuôr Đăng pà git, ală sră cih jơnau tơnggit geh bơceh mòn niam ngan, geh rùp ai lơh pơn yơu tai, geh cih mờ 2 dà đơs, dà kòn cau Rơđê mờ dà yoan den tàng [ươn wă, tơl nă cau [ươn lơh jat: “Geh đoàn ơruh pơnu bơh kơnhòal mờ càr dê tus mblàng yal, pơlam bơta chài rơcang sơndră kòp bơ tờp bơh jơi pa virus corona dê lơh gơbàn den jơh ală ơruh pơnu, kờp bal mờ mờ ală cau tàm hìu bơnhă, kòn sau pal sùm ràu tê sàng kloh lài mờ tu\ sa halà tơnơ\ tu\ lơh gơs dùl broă lơi, den pal ràu tê sàng kloh, di mờ bơta chài geh pơlam nàng rơcang sơndră kòp bơ tờp. Kòp do neh geh tàm ua\ lơgar tàm dunia mờ tàm lơgar Việt Nam, mờ geh tu\ neh geh cau chơt den tàng pal jơh nùs rơcang sơndră”.

Ơruh pơnu tus mblàng yal tơl nă làng bol in

Tàm sơnah [òn Ea Tam, [òn dờng Buôn Ma Thuột, ală đoàn viên ơruh pơnu tam cah gơs mpồl tus tơl hìu bơnhă, ngan là tàm ală [òn làng bol kòn cau mblàng yal, pơlam làng bol git bơta chài rơcang sơndră is kòp. Tàm do kung pa geh lơh broă lơh “Gùng tơrbo\ bơta kờ` gơboh – at tê bal rơcang sơndră kòp Covid-19”, jàu 100 nơm sơ [ong ràu tê, git nđờ rhiang nơm chèu glòm muh mat, phàt 500 pang sră cih jơnau tơnggit mblàng yal bè broă rơcang sơndră kòp. Tus bal mpồl mblàng yal, bi Nguyền Thùy Nhung yal: “Tus bal broă lơh mblàng yal rơcang sơndră kòp Covid-19 den oh sền go\ srơh do geh kươ ngan gơ wèt tus mờ să tờm kung bè ală cau ơm kis gùt dar. Bơh do geh dong oh git ua\ rlau tai bè broă rơcang sơndră kòp Covid-19 kung bè mblàng yal tus jơh gùt làng bol tàm [òn đơs is kung bè làng bol sơnah [òn Ea Tam đơs bal bè broă lơh rơcang sơndră kòp là kươmàng ngan. Mờ bơh broă do oh kung kờ` làng bol at tê bal, lòt bal nàng rơcang sơndră kòp dùl bă niam ngan rlau jơh mờ geh cồng nha ngan rlau jơh”.

Pơgồp bơnah at tê bal rơcang sơndră kòp Covid-19, tơngai lài, kuơmàng là tàm tơngai lơh broă ua\ bơh nhai ơruh pơnu dê, cau kơnòm să Dak Lak neh bơyai lơh ua\ dơ\ ai cau gàr kloh niam tiah ơm kis, sang sơbì ală [làng sang sồ sia\ is, tuah wàs rbòng dà… Bal mờ hơ\, ală mpồl duh broă đoàn gam pơ gồp bal mờ mpồl dong kờl bơyai lơh pà chèu glòm muh mat sơ nơm mờ dà ràu tê lơh kloh khuẩn ờ sa pria\. Bi H’Hương Bkrông, Phó Bí thư Thành đoàn Buôn Ma Thuột pà git: “Tỉnh đoàn neh crơng gơs 21 tàm 21 mpồl lơh broă sơbac mhar, tơl mpồl geh 10 nă cau tàm ală xã, sơnah [òn kung bè 12 hìu bơsram kung crơng gơs ală mpồl lơh broă sơbac mhar tàm hìu bơsram nàng tus bal tàm broă rơcang sơndră kòp do. Bal mờ hơ\ den ală mpồl kung neh rơcang lài jòi ală bơta tă pơ gồp nàng phàt chèu glòm muh mat ờ sa pria\ halà dà ràu tê lơh kloh khuẩn ờ sa pria\ làng bol in. Tus tu\ do den neh phàt rlau 2 rbô pang sră cih jơnau tơnggit mblàng yal bè rơcang sơndră kòp, rlau 300 khàr dà ràu tê dră khuẩn mờ 300 nơm chèu glòm muh mat”.

Sră cih jơnau tơnggit geh lơh mờ 2 dà đơs, dà Rơđê mờ dà yoan

Bal mờ mpồl ơruh pơnu tàm [òn lơgar, đoàn ơruh pơnu ală mpồl ling tàm càr Dak Lak kung geh ua\ broă lơh at tê bal rơcang sơndră kòp bơ tờp tus mờ làng bol. Bi Đinh Xuân Hoàng, Bí thư Đoàn ơruh pơnu Kuang àng càr Dak Lak pà git: “Cau kơnòm să kuang àng càr kung neh ai cau lơh broă lam lơh ală tơngume, bơnah broă, tàm hơ\ geh pà chèu glòm muh mat ờ sa pria\ làng bol in. Mơkung lam lơh [ồm sơ nơm lơh kloh khuẩn mờ ai cau lơh broă ngai rlô lơh broă dong kờl is tàm ală tiah sar lơgar ngài, tiah geh jơnau digơlan ơm rềp mờ kòp bơ tờp. Bơdìh mờ hơ\, cau kơnòm să Kuang àng càr kung at tê bal tàm broă mblàng yal tàm mpồl bơtìan mờ jơh gùt làng bol tàm broă rơcang sơndră kòp. Bơyai lơh ai ală cau lơh broă pa in tamya flashmod “Ghen Cô Vy” nàng hòi jà mpồl bơtìan at tê bal rơcang sơndră kòp Covid-19”.

Jat khà kờp bơh Tỉnh đoàn Dak Lak dê, tàm nggùl bồ nhai ơruh pơnu nam do, ală mpồl duh broă đoàn tàm càr neh bơyai lơh git nđờ rhiang broă lơh mblàng yal bè rơcang sơndră kòp Covid-19. Bal mờ hơ\, mạng xã hội bơh mpồl lơh broă đoàn bơh càr tus kấp hơ đơm dê geh ngui ua\ ngan rlau jơh, sùm pờ tơlik jơnau yal, jơnau tơnggit ngan ngồn bè bơta gơlik geh  bơh kòp mờ ală broă lơh rơcang sơndră kòp. Bơh hơ\ pơ gồp bơnah dong làng bol git jơnau yal dipal, git di bè kòp nàng ờ ngòt. Mơkung rơcang lài ală broă lơh sền gàr pràn kơldang să tờm mờ hìu bơnhă in, pơ gồp bơnah sền gàr pràn kơldang să jan mpồl bơtìan, kơryan kòp Covid-19.

Cau mblàng K’Duẩn