VOV4.K’ho - Nàng kờ` lơh jat geh cồng nha Chỉ thị sồ 5 bơh Bộ Chính trị dê bè “Chồl pràn broă bơsram mờ lơh jat nùs nhơm, rài kis Hồ Chí Minh”, ală nam do, cau kơnòm să càr Dak Lak neh lam lơh broă bơsram mờ lơh jat jơnau bơto sồr Bác Hồ dê mờ ală broă lơh dipal gơ jat bal mờ ală broă lơh, bơnah broă ngan ngồn; bơh hơ\ tơnguh gơnoar broă bơh đoàn viên ơruh pơnu dê tàm bơtàu tơnguh lơh sa – mpồl bơtìan bơh càr dê.

Uă nam lơh broă đoàn tàm ală gơnoar broă krơi is, bi Y Linh Niê, kòn cau Rơđê, ơm tàm thị trấn Ea Pôk, kơnhòal Cư Mgar, càr Dak Lak neh geh ua\ broă lơh mblàng yal, lam sồr, hòi jà đoàn viên, ơruh pơnu, kơnòm pa tàu tus bal tàm broă lơh bơh đoàn dê.

                                   Broă bơsram mờ lơh jat Bác Hồ geh gal ngan đoàn viên ơruh pơnu tus bal, lơh jat

Bi Y Linh Niê yal, kờ` tam klac bal, gơtùi bơ tòm tơr gùm ơruh pơnu den he pal lơh krơh là cau lơh sa jak, den tàng bè hơ\, bal mờ broă tơnguh cồng nha lơh broă đoàn tàm [òn lơgar, bi gam lơh ngan bơtàu tơnguh lơh sa hìu bơnhă.

Bơh nam 2013 tus tu\ do, ngan là tàm 2 nam do, Y Linh Niê neh khin cha bơcri git nđờ rhiang tơlak đông nàng lơh trang trại tam bơkàu. Broă tam bơkàu ờ mìng cèng wơl pria\ jền lơh geh kơ\ kơljap ai hìu bơnhă bi in mờ gam pơgồp bơnah ai geh broă lơh sùm ai bơh 4 tus 10 nă cau lơh broă tàm [òn lơgar in.

Ală khà jờng “ơruh pơnu gơguh jak lơh jat jơnau bơto sồr Bác Hồ”, “Bí thư chi đoàn jak”, “Ơruh pơnu pơn rơ lơh sa kă bro jak” bơh càr mờ dà lơgar jàu pà tàm ală nam do neh dong Y Linh Niê geh tai bơta pơn jờng nàng lơh ngan ua\ rlau tai kờ` tă pơ gồp bơta pràn bơt bơtàu [òn tờm ngai sơlơ bơtàu tơnguh :

“Mờ srơh bơsram mờ lơh jat krơh Hồ Chí Minh den jat a` ờ duh là he pal lơh broă lơi dờng, mờ he mìng lơh ală broă gơ ơm tàm bơta pràn he dê. Lài ngan là gơtùi bơsong broă pria\ jền lơh geh ai să tờm in, dơ\ 2 là ai geh broă lơh ală oh mi ơruh pơnu in, ngan là ală oh mi kòn cau tàm [òn lơgar he dê. Tơ nơ\ ua\ nam kơ lôi sơ nơng den a` sền go\ ù tiah Dak Lak he dê bơdìh mờ ală chi tam công nghiệp jo\ nam den he kung sac rơ wah ală bơta chi tam lơyah ngai rlau, là ngan là gơtùi bơsir pria\ tă lơh mhar, dơ\ 2 là jơnau kờ` bơh drà kă bro dê kung niam”.

Lơh broă tàm Ban srơh broă lơh bơh Tỉnh đoàn Dak Lak dê, bi Nguyễn Thị Mai neh geh ua\ jơnau sồr, jơnau bơceh nàng kờ` tam gơl broă lơh mblàng yal, bơto bơtê adat boh lam tàm đoàn viên ơruh pơnu.

                                  Cau kơ nòm să Dak Lak at tê bal rơcang sơndră kòp Covid-19

Mờ broă lơh lam lòt sền ngan ngồn, [ươn git, ua\ broă lơh bơh bi Nguyễn Thị Mai dê ai tơlik neh geh ală Đoàn kấp hơ đơm ngui, lơh jat, pơgồp bơnah tơnguh cồng nha broă lơh mblàng yal. Bal mờ hơ\, bi Mai gam lơh ngan bơsram is, tơnguh jơnau git wă mờng chài lơh broă, tus bal ală dơ\ pơr lòng ai kuang bàng đoàn in bơh dà lơgar bơyai lơh nàng geh tìp mat mờ prap gàr mờng chài lơh broă.Bi Nguyễn Thị Mai pà git:

“Là đảng viên kơnòm să den bơdìh mờ broă sùm lơh ngan lơh jơh niam ală kơ nòl broă mờng chài den să tờm a` kung lơh ngan bơsram, tơnguh jơnau git wă, nàng bơh hơ\ gơtùi lơh gơs niam kơ nòl broă mờng chài. Mơkung sùm ai tơlik ală jơnau bơceh pa, ală broă lơh nàng gơtùi tơnguh cồng nha tàm broă lơh. Bal mờ hơ\ den gơ wèt mờ ală cau lơh broă bal den kung geh bơta tam klac bal, đềt mềr nàng lơh gơlik ală srơh lơh broă dờng dong broă lơh srơh cau kơnòm să càr dê bơtàu tơnguh”.

Nàng broă “bơsram mờ lơh jat nùs nhơm, rài kis Hồ Chí Minh” geh bơta gơ rề làm bă tiah, gơ hòi gơ jà bơta lơh jat bơh gal ngan đoàn viên ơruh pơnu dê, ală nam do, Tỉnh đoàn neh sơlơ tơnguh broă lơh yal jơnau, mblàng yal, bơto bơtê, pơlam gùng dà broă lơh ai đoàn viên ơruh pơnu in bơsram mờ lơh krơh Bác Hồ.

                Broă bơsram mờ lơh jat Bác Hồ geh lơh mùl màl gơs broă lơh bơh tơl nă cau, tơl mpồl lơh broă dê

Pah nam, Ban Thường vụ Tỉnh Đoàn ndrờm bơt bơtàu broă rơndap lơh mùl màl, đơng lam ală kấp lơh broă đoàn lam lơh jat mờ ua\ bơta tam gơl pa bè tơngume, li la bè broă lơh. Bơh hơ\, ngai sơlơ geh ua\ broă lơh niam, geh cồng nha; ua\ krơh niam mpồl bal, cau dùl nă să geh pơn rơ gơguh jak geh jờng rơ.

Tàm 3 nam do, ală kấp lơh broă đoàn càr Dak Lak neh lơh rlau 5 rbô 900 broă lơh, bơnah broă ơruh pơnu lơh jat jơnau bơto sồr Bác Hồ tàm ală xã kal ke, tiah nhàr dà lơgar, ală [òn làng bol kòn cau; jờng rơ mờr 200 mpồl bal mờ mờr 900 nă cau dùl nă să geh pơn rơ lơh jat jơnau bơto sồr Bác Hồ bơh kấp hơ đơm tus kấp càr. Kơ nờm bơh hơ\, neh geh gơ rềng ua\ ngan tus jơnau git wă, broă lơh bơh tơl đoàn viên ơruh pơnu dê; chul chồl ală bơ yô kơnòm să tus bal ală srơh tàm pơr lòng kờ` gơboh dà lơgar, tă pơ gồ tàm bơta bơtàu tơnguh lơh sa mpồl bơtìan bơh càr dê.

Bi Phan Thị Trinh, Phó Bí thư Tỉnh Đoàn Dak Lak đơs là, do là ală bơnàng jă nàng broă bơsram mờ lơh jat jơnau bơto sồr Bác Hồ bơh cau kơnòm să Dak Lak dê ngai sơlơ lơh geh cồng nha niam:

“Tàm tơngai tus den Ban thường vụ tỉnh Đoàn geh lam lơh mờ đơng lam tus jơh ală mpồl lơh broă đoàn kấp hơ đơm bè broă lam lơh broă bơsram mờ lơh jat nùs nhơm Hồ Chí Minh gơ jat bal mờ tơngkah 90 nam ngai crơng gơs Đảng cộng sản Việt Nam mờ tơngkah 130 nam ngai deh Bác Hồ. Bơh bồ nam tơn, Ban thường vụ Tỉnh đoàn neh sơn đờm lam lơh srơh tàm pơr lòng bơh cau kơnòm să dê gơ jat bal mờ lam lơh kơ nòl broă ờs mờng, lam lơh broă lơh đoàn mờ srơh ơruh pơnu, kơnòm pa tàu, kơnòm dềt. Cau kơnòm să Dak Lak geh ua\ broă lơh, bơnah broă ơruh pơnu gơ jat bal mờ broă bơsram mờ lơh jat jơnau bơto sồr Bác Hồ”. 

Bơh broă pơgồp bal broă bơsram, lơh jat krơh Hồ Chí Minh mờ bơta geh ngan broă lơh bơh ală mpồl dê, tơl mpồl lơh broă Đoàn cih mat lơh dùl broă lơh, bơnah broă; tơl nă đoàn viên ơruh pơnu tàm pơr lòng pah ngai “lơh jat jơnau bơto sồr Bác Hồ” dùl broă lơh. Do là broă lơh niam bơh cau kơnòm să Dak Lak dê nàng sơlơ chồl pràn broă bơsram mờ lơh jat jơnau bơto sồr Bác Hồ tàm ală kấp đoàn. Bơh hơ\ lơh gơlik bơta gơ rề pràn kơldang bơh srơh dê, tơnguh jơnau git wă bơh tơl nă đoàn viên, ơruh pơnu dê, tă pơ gồp bơta pràn he dê tàm bơta bơtàu tơnguh lơh sa mpồl bơtìan bơh càr dê.

Cau mblàng K’Duẩn