VOV4.K’ho - Rê mờ rài kis bè ờs tơnơ\ mờ rài tam lơh, gơtìp mờ uă kal ke, mơya cau ling sồt să Phan Đình Mạnh kis tàm tổ dân phố 2, thị trấn Đức An, kơnhoàl Dak Song, càr Dak Nông sùm lơh jăt niam jơnau bơto bơh Bác Hồ dê “Cau ling sồt să mơya ờ ơm gời”, tàm broă tơnguh bơtàu lơh sa hìu nhă kung bè bơ\t bơtàu [òn lơgar.

Là cau ling sồt să khà 1 bơnah 4, lời wơl 1 bơnah să jan tàm tiah tam lơh, ồng Mạnh gam gơs cau lơh broă sa jăk, priă geh tàm rài kis pah nam g^t nđờ tơmàn priă.

Tàm sơnam rơlao 70, cau ling yau khà 1 bơnah 4 ồng Phan Đình Mạnh gam kah sùm ală ngai, nhai geh jào kơnòl sền gàr [òn yau Quảng Trị. Nam 1971, [ồm, gar phào neh lơh cau ling 6 nam tàm tiah tam lơh gơtìp sồt să jroă, lu\t jơng ma, pă jơng kiao mờ tê kiao.

Mờ bơta pràn kơl dang să jan gơtìp hoàc huơr 86%, ồng Mạnh tìp uă ngan kal ke tu\ tus tàm kơnhoàl Dak Song ơm kis mờ lơh broă tàm nam 1997.

Kờ` sơrlèt mờ ală kal ke tu\ ờ gơtùi tus bal tàm broă po\ ù tàm suơn tàm sre, ồng Mạnh neh ai uă ngan tơngai sền ală pang sră geh cih mờ broă lơh sa suơn sre, tus sền uă broă lơh sa kờ` bơsram broă mờng chài, hơ\ sồng bơto sồr, lam sồr kòn bao lơh. Ồng Mạnh yal wơl:

-Tàm do di lah tus tàm suơn jăt gùng sềm par kung pal roh bơh 4 tus 5 kơi sồ, tu\ hơ\ ờ geh gùng lòt mờ kung ờ geh rơndeh, den tàng a` jra gai bơh hìu lòt tus tàm suơn. Tơnơ\ do tu\ neh crơng gơs kơnhoàl den hơ\ sồng geh rơndăp broă lơh, geh gùng lòt, broă lơh sa a` dê kung geh đao, den tàng tu\ hơ\ a` blơi rơndeh đì, blơi tai uă phan ndai kờ` oh kòn in lơh broă.

Mờ 10 lồ ù tam kơphe, tiêu, tòm chi sa plai… pah nam ờ kờp priă neh tă ồng geh rơlao 1 tơmàn 500 tơlăk priă. Ồng gơs cau ling sồt să lơh sa jăk [òn lơgar dê, geh uă làng bol jòi kờ` bơsram bal broă mờng chài.

Ờ mìng sền kuơ tàm broă tơnguh bơtàu lơh sa hìu nhă, ồng Mạnh gam tus bal mờ broă lơh kis g^t jơnau g^t adăt mờ uă broă lơh wèt tus mờ mpồl bơtiàn. Mùl màl, ồng neh ờ ngòt pà 2 bă ù rềp tềng gùng lòt tàm thị trấn Đức An, kơnhoàl Dak Song ai 2 nă cau ling sồt să geh rài kis kal ke in kờ` lơh hìu ơm.

Ồng Phạm Văn Nhung, kis bal tàm [òn pà g^t, ồng Mạnh gam bal mờ ală oh mi tàm mpồl ling ai 500 thơ\k vuông ù kờ` gơnoar atbồ tàm do lơh gùng lòt kờ` dong kờl làng bol geh gùng lòt rê.

-Tu\ crng gơs kơnhoàl Dak Song den gơl gùng do ờ hềt geh, làng bol lòt rê glar bòl ngan, a` mờ ồng Mạnh cri bơyai bal là ai ù kờ` làng bol geh gùng lòt [uơn, tu\ geh gùng lòt, rài kis làng bol chờ hờp ngan, lòt rê [uơn, broă lơh sa rơhời geh tơnguh bơtàu.

Ồng Nguyễn Đình Liên, Chủ tịch mpồl cau ling yau kơnhoàl Dak Song pà g^t, gùt kơnhoàl tu\ do geh 2 rơbô nă cau tàm mpồl ling yau, tàm hơ\ geh 119 nă cau ling sồt să mờ 48 nă cau ling kòp tê jê să.

Jơh ală cau ling yau đơs bal, cau ling sồt să, kòp tê jê să đơs is ndrờm lam lài tàm broă lơh jăt gùng dà broă lơh bơh Đảng, adăt boh lam bơh Dà lơgar dê, pơgồp bal mùl màl tus mờ broă tơnguh bơtàu lơh sa mpồl bơtiàn mờ sền gàr bơta lơngăp lơngai ờ do ờ dă mpồl bơtiàn tàm do. Tàm hơ\, ồng Phan Đình Mạnh là cau lam lài geh pơnrơ ngan mpồl cau ling yau dê.

-Mpồl cau ling yau, cau ling sồt să kơnhoàl neh lơh jăt jơnau bơto bơh Bác Hồ dê, tơnguh geh gơnoar să tòm cau ling wa Hồ dê tàm rài kis bè ờs, mơya kung gam tus bal tàm uă gah broă, tàm hơ\ geh broă lơh sa, là ală cau lam lài nàng ală cau tàm mpồl đòm jăt bal.

Lài ngan là tàm tơngai kal ke bè kòp tàm tòm tiêu, tàm sur, mơya mờ ală cau lam lài là cau ling yau mờ cau ling sồt să, mơya ală cau do lam lài sùm, drơng gàr broă lơh sa, ròng siam bơto bơtê oh kòn, tơl^k go\ bè cau lam lài cau ling yau Phan Đình Mạnh dê.

Cau ling yau Phan Đình Mạnh là dùl tàm g^t nđờ rơbô ală cau ling sồt să neh mờ gam lơh ngan sơrlèt mờ kal ke, sơrlèh mờ rài kis kờ` tơnguh bơtàu lơh sa hìu nhă, lơh pas să tòm mờ pơgồp bal tàm broă tơnguh bơtàu bal dà lơgar dê.

Ală cau ling yau là ală cau lam lài niam bơne\ ngan tàm rài tam lơh kung bè tàm rài kis bè ờs, di pal ngan mờ jơnau bơto bơh Bác Hồ dê “Cau ling sồt să, mơya ờ sơbì gời”.

     Cau mblàng Ndong Brawl