VOV4.K’ho-Gi\t wa\ jrô ngan bơta kuơmàng ngan bơh brê dê, bal mờ lơh jat niam kơnòl broă geh jàu, ală mpồl ling klàng càr Dăk Nông neh tus bal tam brê, tam chi che tàm dòr bơnơm làc tàm tiah tàp ling Đức Xuyên mờ gùt dar ù tiah xã Đức Xuyên, kơnhoàl Krông Nô.

Tàm dơ\ tus bal Tàp ling tiah rcăng gàr lài càr dê lồi nam 2018 tàm tiah tàp ling Đức Xuyên, uă cau ai lơh nrơ\t ndơl ngan tềng đap ù tiah [òn lơgar bềng lơm chi che tơlir niam ngan mờ dờng ơning ơnàng tai bơh ală bă brê keo sơntìl pa, sao jù tàm tiah do dê. Ală mpồl ling tus bal tàp ling bơh tu\ tàp tus tu\ tàp lơh broă ndrờm geh ală bă brê jơm ndơ\p…Ờ huan ngan geh cau gi\t là lài do jơh gùt kơnhoàl ù tiah do mìng là dòr bơnơm làc lu\ liang lơm gời, ờ geh dùl tờm chi che lơi, ù tiah klàr ngan, bơta jơm glòm dùl êt ngan. Tu\ do, ală sươn chi keo sơntìl pa, chi sao jù ờ mìng gơ cèng wơl ù tiah tơlir niam mờ gam hơ pơrgon cèng wơl priă jền lơh sa uă.

Đại tá Trần Thiên Cảnh, Phó Chính ủy Gah đơng lam ling klàng càr Dăk Nông pà gi\t: “Lơh geh cồng nha do là gi\t nđờ dà kơlhề tơngai lơh broă, pràn ơ ră bơh kuang bàng, cau ling ală mpồl ling dê, bal mờ nùs nhơm tam klac, ờ ngòt bòl glar kal ke nàng lơh kơnhoàl ù tiah dòr bơnơm lu\ liang, ù tiah ro kơnra` klàr ngan do gơ gơs dùl ù tiah tơlir niam chi che bơh brê bơnơm dê”.

Jat mờ hơ\, jat tàm bă ù geh UBND càr Dăk Nông dê jàu, tàm ală nam do, Gah đơng lam ling klàng càr Dăk Nông neh tơrgùm bơ\t bơtàu tiah tàp ling Đức Xuyên gơ gơs là tiah tàp ling “3 tàm 1”. Tàm hơ\, broă tam brê ala, tơnguh bơta glòm bơh chi che dê geh sền dờng màng. Đại tá Trần Thiên Cảnh pà gi\t: “Bal mờ jơnau kờ` tơnguh tai khà chi che bơh brê dê, ù tiah [òn lơgar tàm tiah tàp ling Đức Xuyên mờ tiah gùt dar, lơh geh priă jền bơh tơnguh tai broă lơh broă sa, mpồl ling neh ai lài tu\ tơngai, priă jền mờ sồr lơh jat broă rơndăp lơh tam brê bal mờ cồng nha uă ngan rlau jơh”.

Ală ngai pa mu\t tam brê, mpồl ling tìp ờ dùl êt kal ke. Tài bơh tiah brê Đức Xuyên dà mìu dùl êt, tơngai duh jo\ jòng, ù tiah klàr, dòr bơnơm làc bềng lu\ liang lơm, gùng lòt den kal ke mờ ơm ngài tai mờ tiah làng bol ơm kis…Mơya, ờ dùl nă kuang bàng, cau ling lơi ngòt bòl glar kal ke, lơh ngan lùp bơsram broă lơh, bơta chài tam chi, bơta chài sơrlèt gan mờ bơta sơbơng roh tu\ mu\t tàm brê…Bơh lùp den gi\t, bơh tài mpồl ling rwah chi keo sơntìl pa mờ chi sao jù nàng tam là tài bơh ù tàm tiah do mìng là ù Feralit kuh jù uă ngan tàm bă ù lu\ Bazan gơdờp mờ 2 bơta tờm chi do.

Ală ngai lồi nhai 7 do, bulah gam là tơngai tờm bơh kàl mìu dê, gùng lòt kal ke, sơmack, plờm bềng lơm mơya kuang bàng, cau ling Tiểu đoàn 301 kung gam jơh nùs jơh tồr ngan, lơh ngan pès àng sơndah jơh mpung chi che klăp klê, chi che hòn lềng nàng ai ù tam pa bă brê geh jàu kung bè tam ala tờm chi neh chơ\t.

Đại úy Trần Lệ Mỹ, Chính trị viên Đại đội 10, Tiểu đoàn 301 pà gi\t: “Lơh jat broă rơndăp lơh pès jơh ru\ rơm, nhơ\t, chi che hòn lềng mờ tam brê nam 2019, mpồl ling neh sồr jơh ală kuang bàng cau ling bè jơnau gi\t wa\, bơta geh kơnòl, bơta chài tàm broă tam brê. Tơl nă ling klàng neh geh sră hơ pơrgon lơh ngan jơh nùs lơh jat kơnòl broă pès jơh ru\ rơm, nhơ\t, chi che hòn lềng mờ tam brê. Tus tu\ do, den bal mờ nùs nhơm “ờ ngòt tơngai jroh mìu sa”, den tàng bulah tàm tơngai tờm bơh kàl mìu dê, uă ngan sơmack, plờm mơya jơh gùt mpồl ling sùm lơh broă geh kơnòl ngan. Tus tu\ do, đại đội neh pès geh rlau 20 lồ ru\ rơm, nhơ\t chi che hòn lềng mờ tam pa geh rlau 17 lồ brê”.

Cau ling Ngô Quang Nguyên Văn kung yal sơl bè do: “A` gi\t geh broă tam brê kuơmàng ngan, ờ mìng tơnguh khà chi che glòm tàm brê, sền gàr bồ tô dà, kơryan klàr ù, dà cò pơrdô ù mờ tơl tờm chi brê tu\ dờng den geh gơ gơs là ală cau bơyô kìng tơngai lơh geh m[ur rơhiơm mrềt niam ai bol a` tàm tu\ tàp ling. Den tàng tu\ geh jàu kơnòl lòt tam brê den ờ cau lơi sồr cau lơi, oh mi gi\t wa\ is, rcăng lài is, jơh nùs ngan tus bal bal mờ nùs nhơm, broă lơh niam ngan rlau jơh”.

Bal mờ jơnau đơs, sền dờng màng bơta niam, cồng nha, tam tờm lơi, niam chi hơ\, sơrlèt gan ală kal ke bè ù tiah, trồ tiah, bơh bơta lơh ngan jơh nùs, kuang bàng cau ling gơ wèt Gah đơng lam ling klàng càr Dăk Nông neh tam geh pơgăp 500 rbô tờm chi tàm bă ù ơnàng rlau 254 lồ, tàm kờp jơh khà 292 lồ ù geh jàu. Tàm hơ\, tu\ do bă brê sơngka sền gàr nam dơ\ 3 là rlau 129 lồ, nam dơ\ 2 là 124 lồ mờ nam 2019 tu\ do gam tam geh 47 lồ.

Đại tá Trần Thiên Cảnh đơs nền: “Lơh jat geh cồng nha kơnòl broă tam mờ sền gàr brê kung ngan là pơgồp bơnah nàng mpồl ling lơh niam gơnoar broă “mpồl ling tam lơh, mpồl ling lơh broă, mpồl ling lơh broă lơh sa”, mơkung tus bal geh cồng nha srơh bơ\t bơtàu [òn lơgar pa”.

Cau mblàng Lơ Mu K’Yến