VOV4.K’ho- Bơh ngai 1- 4/10, Mpồl Kuang bàng Quốc hội càr Kon Tum neh geh 11 dơ\ tìp mat mờ cau te\ khà tàm càr do lài mờ pơrjum dơ\ 8, Quốc hội khoá 14. Bal mờ jơnau đơs jơnau dan tơngo\ bơta kơlôi sơnơng, jơnau kơ\p kờ` gơrềng tus rài kis, lơh broă lơh sa pah ngai, cau te\ khà càr Kon Tum kung geh sơl uă jơnau đơs tă pơgồp jơh nùs jơh tồr mờ kuang bàng Quốc hội.

                                                Cau te\ tă pơgồp jơnau đơs tàm dơ\ tìp mat

Gơ wèt mờ broă dà lềng đah mat tơngai lik, cau te\ khà càr Kon Tum cih dờp mờ jơnau rơ ngan bơta đơng lam bơh Đảng dê, bơta atbồ bơh Dà lơgar dê tàm ală tu\ tam dră nàng sền gàr gơnoar tờm ù tiah dà lềng, bồt bơlào bơh Dà lơgar dê mờ sền gàr ală bơta kuơ dà lơgar tàm dà lềng.

Gơ wèt mờ broă lơh rcăng mờ sơndră sa kuề sa kùa tu\ do bơh Đảng dê, cau te\ khà pà gi\t, kung gam jăt sền pah tu\ pah jiơ, pah ngai sơl, geh uă ngan bơta pin dờn mờ sùm lời nùs nhơm sền dờng màng ngan gơ wèt mờ să tờm ồng Nguyễn Phú Trọng, Tổng Bí thư, Chủ tịch lơgar. Cau te\ khà kung kơ\p kờ` là ală broă lơh sa kuề sa kùa pal geh sền go\ di tu\ mờ lơh glài krà`, ku\p ai wơl jơh ală jơtài phan bơna ai dà lơgar in.

Cau mblàng Lơ Mu K’Yến