VOV4.K’ho- Pơrjum dờng cau ala măt gùt lơgar dơ\ 13 Đảng dê geh bơta kuơ dờng màng ngan. Pơrjum dờng geh kơnòl broă sền tìs di Kơrnoat Pơrjum dờng dơ\ 12 gơ jăt bal mờ sền swì jơh ală broă lơh tam gơl, lơh nền gùng dà broă lơh, jơnau kờ`, kơnòl broă 5 nam, 10 nam tus mờ bơta sền sơnơng tus nam 2045. Broă Đảng geh broă rơndăp lơh, geh jơnau kờ`, bơta sền dà lơgar tus gùl rài, tu\ 100 nam crơng gơs dà lơgar geh bơta kuơ lơi taih? Do là bơta pa bơh dơ\ pơrjum dờng dơ\ do dê, nàng kờ` pờ tơlik dùl tu\ tơngai kuơmàng, lơh ngan ai lơgar he gơ gơs là lơgar bơtàu tơnguh, jăt gùng dà làng bol lơh tờm mpồl bơtiàn ring bal.

Bơh Pơrjum Dà lơgar 10, khoá 12, ồng Nguyễn Phú Trọng Tổng Bí thư, Chủ tịch lơgar neh sồr ală mpồl cih Sră nggal Pơrjum dờng dơ\ 13 bơh Đảng dê pal geh bơta sền sơnơng jo\ tơngai, pal yal lài mờ ai tơlik ală jơnau kờ` bơtàu tơnguh ai gùng lòt jo\ jòng in: Đơs Pơrjum dờng dơ\ 13 ờ go\ di là mìng tus nam 2026 lơm gời ờ mờ pal geh bơta sền sơnơng jo\ jòng rlau, sền wơl bal jơnau neh rlau mờ wèt tus bal rài tơnơ\ do. Bè hơ\, bol he pơlam gùng, kơlôi sơnơng dà lơgar he tus nam 2030 geh gơlik là bè lơi? Tus nam 2045 geh bè lơi? Gơcèng bơta jo\ jòng.

Jăt bè jơnau Tổng Bí thư, Chủ tịch lơgar dê đơs den “do là broă kal ke ngan, ờ go\ [ươn”, gơ sồr pal geh bơta tơn jơh nền nòn ngan mờ ală jơnau yal lài, bơta sền sơnơng di mơ tơngai mờ jo\ tơngai pal ngan ngồn ngac ngar, jak chài den hơ\ sồng gơtùi ai tơlik jơnau kờ` bơtàu tơnguh tus nam 2030 (hơ\ là tơngkah kir sơnrai 100 nam ngai crơng gơs Đảng Cộng sản Việt Nam) mờ bơta sền sơnơng ngài rlau tai tus gùl rài ( hơ\ là tus nam 2045 tàm dơ\ tơngkah 100 nam ngai crơng gơs dà lơgar”. Tài bè hơ\, ală dơ\ pơrjum dờng lài sùm mìng ai jơnau kờ` di mơ tơngai là 5 nam mờ yal lài uă tu\ gam ờ di, jơnau kờ` bơtàu tơnguh ờ lơh geh.

Ồng Lê Thanh Vân, Ủy viên Ủy ban lơh broă priă jền- kes priă bơh Quốc hội dê den đơs bè do: Kuơmàng tàm Sră nggal Pơrjum dờng là jơnau yal chính trị, jơnau yal tơn jơh wơl jơh ală tu\ lơh jăt Kơrnoat Pơrjum dờng Đảng gùt lơgar dơ\ 12, ai tơlik ală broă tàm broă lơh gơs kơrnoat boh lam gùng dà broă lơh bơh Kơrnoat pơrjum dờng dơ\ 12 dê, tàm broă lam lơh jăt mờ ai tơlik ală broă pơn jăt tai tam gơl pa, tam gơl, bơtơl. Do là ală broă jo\ jòng ngan mờ Tổng Bí thư sồr, ờ go\ di mìng ai 5 nam tus in lơm mờ geh bơta sền sơnơng uă nam tơnơ\ tai, kuơmàng là tơngkah kir sơnrai 100 nam ngai crơng gơs dà lơgar dân chủ cộng hoà.

Mùl màl, kờp bơh tơnơ\ tu\ tơngai tam gơl pa, Đảng kung neh rơhời geh jơnau kờ` bơtàu tơnguh bal mờ bơta sền sơnơng rlau 20 nam. Gùng dà bơh Đảng dê bè bơ\t bơtàu lơgar lơh sa mờ măy mok dơ\ sơnrờp geh tàm Sră nggal Pơrjum dờng dơ\ 8 bơh Đảng dê (nam 1996). Hơ\ là tơngai kuơmàng ngan: Dà lơgar sơrlèt gan 10 nam sơnrờp lơh jăt broă lơh tam gơl pa mờ lơh geh cồng nha geh bơta gơ tam gơl: klàs bơh tung lơtăng lơh sa mờ cơnđoà mu\t tàm tu\ tơngai pa, tu\ tơngai lơh sa pa mờ măy mok, tam gơl pa dà lơgar. Pơrjum dờng dơ\ 8 bơh Đảng dê ai tơlik gùng dà “bơh tu\ do (nam 1996) tus nam 2020, hơ\ là ai jơh pràn lơh ngan ai lơgar he bơh sơnrờp gơ gơs là lơgar lơh sa mờ măy mok geh phan bơna măy mok pa ngan”. Sền wơl gùng lòt kờp bơh tơnơ\ Kơrnoat Pơrjum dờng dơ\ 8 bơh Đảng dê, Lơh sa pa mờ măy mok, tam gơl pa dà lơgar kung gam sơl là jơnau kờ`, là bơta gơn kơnờm sùm, mơya uă broă bè anih pơrgon gơ gơs là lơgar lơh sa mờ măy mok geh sền swì wơl. Den tàng bè hơ\, jăt cau lơh báo Nhị Lê, lài do là Phó Kuang ătbồ Sră báo Cộng sản dê đơs: Pal geh dùl Sră nggal chính trị ngan ngồn geh bơngă, bơtòm tơrgùm jơh bồ tơngoh jak gùt làng bol, gùt Đảng dê. Sră nggal pal gơ cèng nùs nhơm tu\ tơngai mờ là Cương lĩnh lơh broă kăc màng, dipal mờ jơnau kah yau mờ bơta kơ\p kơnờm ngan bơh làng bol dê.

Cau lơh báo Nhị Lê, đơs: Ală broă dờng màng ngan rlau jơh rơndăp gùng dà bè đah chính trị, bơtàu tơnguh dà lơgar tàm bơta sền sơnơng tus nam 2045 rcăng lài bơh tu\ do tơn. Broă là pơn jăt tai tơn jơh bơta geh ngan, bơtàu tơnguh gùng dà chính trị, pơn jăt tai wèt tus broă lơh tam gơl pa tơl làm dùl ròt bal mờ Pơrjum dờng dơ\ 12 bơh Đảng dê pa tơlik kơrnoat lơh nền. Hơ\ là bơta đơng lam gơcèng bơta geh ngan jo\ jòng. Ờ gơtùi geh dùl gùng dà di tu\ bol he ờ tơn jơh bơta geh ngan di.

Pơrjum dờng cau ala măt gùt lơgar dơ\ 13 Đảng dê geh dùl bơta kuơ dờng màng. Dờng màng tàm anih là Đảng ờ mìng tơn jơh 5 nam bơh tơngai lơh broă pa do dê lơm mờ gam sền swì wơl 10 nam lơh jăt Cương lĩnh nam 2011, mờ geh tu\ là sền wơl dùl bă tơl làm rlau tàm tu\ tơngai 35 nam lơh jăt broă lơh tam gơl pa mờ 30 nam lơh jăt Cương lĩnh nam 1991. Dờng màng gam tơnggo\ tàm pơlam gùng tus nam 2030, sền sơnơng tus nam 2045.

Giáo sư, tiến sĩ Tạ Ngọc Tấn, Phó Kuang ătbồ Mpồl duh broă Cribơyai Dà lơgar đơs nền, do là bơta sền sơnơng loh làng ngan mờ kờ` ngan: Bơta sền sơnơng do sơ`io ai bol he dùl gùng dà dờng nàng geh dùl broă rơndăp lơh loh làng tàm tơl tu\ tơngai. Mơkung là pờ tơlik bol he in dùl tu\ tơngai kuơmàng ngan nàng lơh ngan. Nàng kờ` tus anih tàm nam 2045, bol he pal lơh jăt geh bơta kơ\p gơn ngan bơtàu tơnguh, tơnggo\ kơnòl bơh Đảng dê, bơh gùt làng bol kung bè bơh tơl nă kuang bàng, đảng viên dê. Jơh ală tus bal dùl bă jơh nùs ngan rlau jơh, tă pơgồp bồ tơngoh jak, bơta pràn mờ bơta jak bơh he dê tàm broă lơh bơ\t bơtàu mờ bơtàu tơnguh dà lơgar, nàng lơh tus geh jơnau kờ` niam bơne\ ngan mờ Đảng neh ai tơlik.

Ơn jơnau kờ` bơtàu tơnguh dà lơgar tus nam 2025 mờ nam 2030, bơta sền sơnơng tus nam 2045, ngan là dùl bơta pa tàm broă rcăng Pơrjum dờng Đảng khoá 13 dê. Ờ go\ di mìng rơndăp gùng dà bơtàu tơnguh bơh dà lơgar dê tàm 5, halà 10 nam tus lơm mờ gam ngan là rơndăp gùng dà, dùl bơta sền sơnơng jo\ jòng rlau tus nggùl rài. Jơnau kờ` gơgơs là lơgar bơtàu tơnguh, jăt gùng dà làng bol lơh tờm mpồl bơtìan ring bal là broă gam pal pơn jăt tai cribơyai, bơh hơ\ geh tai bơta ring bal tàm broă gi\t jơnau kờ`, bơta sền sơnơng bơtàu tơnguh dà lơgar tàm rơndăp cih ală Sră nggal yal Pơrjum dờng dơ\ 13 bơh Đảng dê.

Cau cih Lại Hoa- Cau mblàng Lơ Mu K’Yến