VOV4.K’ho-  Mho òr 5/4, Thường trực Chính phủ neh pơrjum mờ kuang đơng lam bồ ală Bộ nàng ai jơnau đơs tàm rơndap cih Nghị quyết bơh Chính phủ dê bè ală broă dong kờl làng bol gơbàn kal ke tài kòp Covid-19.

Thủ tướng Nguyễn Xuân Phúc đơs ngan, broă dong kờl làng bol gơtìp kal ke tài kòp uă Covid-19 là 1 tàm 4 broă lơh lài ngan bơh Chính phủ dê tu\ do. Den tàng bè hơ\, Chính phủ pal gờ` ai ngui Nghị quyết nàng dong kờl di tu\ ală cau gơtìp tơrmù uă priă lơh geh tài bơh ờ geh broă lơh tài kòp Covid-19, nàng kờ` gàr niam rài kis uă ngan rlau jơh. Mơya, broă dong kờl do pal di pal mờ bơta pràn bơh kes priă dà lơgar dê bơh jo\ neh ờ gam uă mờ pal rcang nàng rcang sơn dră mờ trồ tiah lơh aniai.

Jat rơndap cih pa ngan rlau jơh bơh Nghị quyết dê, digơlan geh 7 mpồl cau geh dong kờl. Tàm hơ\, 6 mpồl cau lơh broă geh dong kờl tơn mờ priă mờ dong kờl cau lơh broă bơh mpồl lơh sa kă bro. Jat jơnau sồr bơh Thủ tướng Chính phủ dê, tơnơ\ rơndap cih Nghị quyết do geh Chính phủ ring bal, Chính phủ geh yal mờ kấp geh gơnoar lài mờ tu\ ai ngui.

Cau mblàng K’ Hạnh