VOV4.K’ho- Thủ tướng ồng Nguyễn Xuân Phúc đơng lam dơ\ pơrjum Chính phủ ờs mờng nhai 2 geh lơh tàm drim ngai 3/3. Thủ tướng ồng Nguyễn Xuân Phúc đơs nền tai, Chính phủ kơ\ dơn nùs nhơm rcăng lời te\ bàr pe bơta kuơ lơh sa nàng sền gàr niam ngan rlau jơh ờdo ờdă pràn kơldang să jan ai làng bol, năc lòt nhơl mờ cau lơgar ndai tàm lơgar Việt Nam in.

Bulah bè hơ\, tài bơh kòp Covid-19, jơh ală rài lơh sa dờng bơh dunia dê ndrờm gơtìp gơrềng lơm. Priă lơh geh bơh broă kă bro gah rơndeh par gùt plai ù dê geh yal lài hoàc hươr pơgăp 30 tơmàn dolar Mỹ, nhơl chờ hoàc hươr pơgăp 80 tơmàn dolar Mỹ. Gơ wèt mờ Việt Nam, kòp Civid-19 geh gơrềng lài ngan tus mờ gah rơndeh par, gah pơndiang phan, nhơl chờ, drơng broă ala, pơn jăt hơ\ là kă bro, bơcri priă, kuơmàng lơh kòl yan ală broă lơh sa.

Thủ tướng pà gi\t, ală mpồl lơh sa kă bro gam ơm kơ\p ală gùng dà broă lơh bơh Chính phủ dê nàng tă bơsong kal ke tài gơrềng bơh kòp Covid-19 dê. Jăt rơndăp cih Chỉ thị bơh Thủ tướng dê geh cribơyai tàm dơ\ pơrjum do, Chính phủ geh ai tơngai tong priă dia gơ wèt mờ mpồl lơh sa kă bro, priă apah ù mờ ờ lơh glài lơh yài tơm priă dia. Jơh ală bơnah priă dong kờl do kờp du\ gơguh tus mờr 27 rbô tơmàn đong. Mơya, Chính phủ ờ hềt tam gơl khà jàu tă dia dà lơgar bơh jơh gùt nam do dê.

Cau mblàng Lơ Mu K’Yến