VOV4.K’ho- Tơngai lài, Huyện ủy Chư Pưh, càr Gia Lai neh bơtòm tơrgùm đơng lam broă lơh rcăng mờ bơyai lơh pơrjum dờng Đảng ală kấp jăt nùs nhơm Chỉ thị sồr 35 bơh Bộ Chính trị dê. Tàm nhai 2 nam do, kơnhoàl neh jơh lơh pơrjum dờng lơh lài kấp hơđơm jăt di broă rơndăp lơh neh ai.

 Lơh jăt Chỉ thị sồ 35 bơh Bộ Chính trị dê “Bè pơrjum dờng Đảng bộ ală kấp wèt tus Pơrjum dờng cau ala măt gùt lơgar dơ\ 13 bơh Đảng dê” mờ ală sră nggal đơng lam bơh kấp hơđang dê, tus tu\ do, 120 chi bộ gơ wèt Đảng ủy kơnă hơđơm bơh kơnhoàl Chư Pưh dê neh lơh jơh broă bơyai lơh pơrjum dờng. Ồng Nguyễn Trọng Tiến, Ủy viên Ban Thường vụ Huyện ủy mơkung là Kuang ătbồ Mpồl bơyai broă Huyện ủy pà git:

Nàng rcăng kuang bàng ai pơrjum dờng Đảng ală kấp tơngai lơh broă bơh nam 2020- 2025, Ban Thường vụ Huyện ủy neh lơh nền tam pà khà kuang bàng kấp ủy bơh 41 mpồl đảng dê jăt Chỉ thị bơh Bộ Chính trị mờ ală kơrnoat pal jăt geh gơrềng bal, đơng lam ală kấp ủy Đảng bơyai lơh kờp sền, bơtơl rơndăp kuang bàng lơh broă tàm tơngai bơh nam 2020- 2025 ai ală mpồl Đảng gơ wèt bal in. Tus tu\ do, broă kờp sền bơtơl, lùp sền wơl mờ ki\ rơndăp kuang bàng kấp ủy Đảng bộ ală xã, thị trấn neh jơh lơh, gàr niam ală jơnau sồr jăt kơrnoăt pal jăt. Broă kờp sền bơtơl rơndăp kuang bàng đơng lam bồ, ătbồ ală phòng, ban, mặt trận, mpồl cau mờ ndrờm bal kung geh lơh jăt broă rơndăp tăp sèng sơl.

Ban Thường vụ Huyện ủy rwah Chi bộ Văn phòng HĐND- UBND kơnhoàl mờ Chi bộ Trung tâm Văn hoá, Thông tin mờ Thể thao kơnhoàl, Đảng bộ xã Ia Phang nàng bơyai lơh pơrjum dờng lơh lài. Tus tu\ do, jơh bal 3 mpồl Đảng neh jơh lơh bơyai lơh pơrjum dờng lơh lài. Ồng Rah Lan Lân- Bí thư Chi bộ Văn phòng HĐND- UBND kơnhoàl Chư Pưh, pà gi\t:

 Tàm ală tu\ rcăng pơrjum dờng, kấp ủy chi bộ neh sồr lơh niam mờ lam lơh jăt di Chỉ thị sồ 35 bơh Bộ Chính trị dê kung bè ală sră nggal đơng lam bơh kấp hơđang dê. Ală broă gơrềng tus rcăng ai pơrjum dờng in ndrờm geh lơh wil tơl, gàr niam di jơnau pal jăt. Jơnau yal chính trị yal tàm pơrjum dờng neh tơrgùm sền swì cồng nha lơh jăt kơnòl broă chính trị mờ sơ`io ală bơta ờ hềt niam, ờ pràn jak, jơnau bơsram mờng chài tàm broă lơh đơng lam bơh chi bộ dê mờ geh gùng dà, jơnau kờ`, kơnòl broă, gùng dà broă lơh rềp mờ bơta geh ngan nàng lơh jăt geh cồng nha tàm tơngai lơh broă bơh nam 2020- 2025.

Bal mờ hơ\, kuang bàng yal tàm pơrjum dờng in gàr niam rơndăp tăp sèng dipal mờ lơh geh ală jơnau sồr jăt kơrnoat pal jăt. Jăt ồng Nguyễn Trọng Tiến Kuang ătbồ Mpồl bơyai broă Huyện ủy Chư Pưh yal, broă lơh kuang bàng tàm pơrjum dờng lơh lài di jăt rơndăp, pồ jăt di bơta pal jăt bơh Đảng dê. Đảng viên neh lơh jăt wil tơl tơngume, bơta pal jăt pơrjum dờng dê. Cồng nha te\ khà mờ sră pồ tơrgùm bal, ală kuang bàng tờm digơlan tơlik măt te\ khà tai ndrờm geh pồ mờ khà sră pồ uă, cồng nha kấp ủy khoá pa geh tơnguh tai, dipal jơnau sồr kơnòl broă. Bơdìh mờ ală anih bơyai lơh pơrjum dờng lơh lài kấp hơđơm, khà gam wơl geh pơn jăt tai sền swì, ki\ tơngume mờ kuang bàng tàm tơngai tus nàng bơyai lơh pơrjum dờng tàm uă tiah. Mìng is Đảng bộ xã Ia Dreng geh rwah nàng lơh jăt gùng dà bơyai lơh pơrjum dờng Đảng kơnă hơđơm lơh lài pồ tơn Ban thường vụ, Bí thư mờ Phó Bí thư. Tu\ do, Ban Thường vụ Huyện ủy gam sền swì ki\ tơngume mờ kuang bàng nàng bơyai lơh pơrjum dờng tàm poh gùl nhai 3 do.

Gơ wèt mờ broă lơh rcăng Pơrjum dờng cau ala măt Đảng bộ kơnhoàl dơ\ 10 tơngai lơh broă bơh nam 2020- 2025, Ban Thường vụ Huyện ủy Chư Pưh neh crơng gơs ală tiểu ban drơng pơrjum dờng, mơkung đơng lam, sồr, lơh rơndăp broă lơh kuang bàng tơngai lơh broă bơh nam 2020- 2025, kung bè pơn jăt tai tam gơl, bơtơl lơh gơs jăt jơnau sồr nàng yal mờ kấp geh gơnăp gơnoar in ki\. Broă lơh rcăng tơngume rơndăp cih jơnau yal chính trị mờ ală sră nggal yal pơrjum dờng in geh lơh niam ngan, kơrhia ngan. Ban Thường vụ Huyện ủy sồr mặt trận mờ ală mpồl cau kơnhoàl lơh jăt gơnoar broă gròi sền, tă pơgồp jơnau đơs lơh rơndăp cih sră nggal pơrjum dờng Đảng ală kấp nàng pơn jăt tai lơh gơs, ai jơnau đơs tă pơgồp tàm pơrjum dờng Đảng kấp hơđơm mờ ală rơnàng làng bol, kung bè yal tơngi\t mblàng yal tàm ală anih yal tơngi\t jơnau mpồl bơtiàn.

Bè ală kơnòl broă tờm tàm broă lơh đơng lam bơyai lơh pơrjum dờng Đảng ală kấp, ồng Huỳnh Minh Thuận, Tỉnh ủy viên, Bí thư Huyện ủy Chư Pưh pà gi\t: Ban Thường vụ Huyện ủy pơn jăt tai đơng lam mờ lam lơh jăt niam Chỉ thị sồ 35 bơh Bộ Chính trị dê mờ ală sră nggal geh gơrềng bal. Tềng đăp măt, tơrgùm đơng lam bơyai lơh pơrjum dờng Đảng kấp hơđơm mờ rcăng wil tơl ai Pơrjum dờng cau ala măt Đảng bộ kơnhoàl dơ\ 10 tơngai lơh broă bơh nam 2020- 2025 jăt di tơngai pơrgon. Lam lơh jăt niam broă rơndăp tăp sèng kuang bàng, gơ jăt bal mờ bơ\t bơtàu mpồl kuang bàng đơng lam bồ, ătbồ tơngai lơh broă bơh nam 2020- 2025, ală gơnoar broă tờm bơh HĐND mờ UBND dê tơngai lơh broă bơh nam 2021- 2026, lơh jăt Kơrnoat sồ 18 bơh Ban Chấp hành Đảng dà lơgar khoá 12 dê bè pơn jăt tai tam gơl pa, rơndăp tăp sèng mpồl kuang bàng bơh ală anih lơh broă chính trị dê lơh geh jak mờ geh cồng nha.

Jăt Báo Gia Lai- Cau mblàng Lơ Mu K’Yến