VOV4.K’ho – Nàng tơnguh uă tơhào, bơta niam kơphê tàm ù tiah kơnhoàl dê, tơngai bơh nam 2016-2019, kơnhoàl Chư Sê (Gia Lai) neh tă kes priă rlau 1 tơmàn 600 tơlak priă nàng blơi sơntìl kơphê dong kờl làng bol tam pa wơl kơphê in, dong kờl mờr 500 rơbô tờm kơphê sơntìl ai làng bol in.

Kơnhoàl Chư Sê geh jơnau kờ` lơh ngan tus nam 2020 sền bal lơh gơs broă lơh tam pa wơl kơphê, tơnguh bơta niam, cồng nha lơh sa tàm dùl bă tiah,  hời rơ hời tơn jơh r[ah, tơnguh priă lơh geh ai làng bol in.

Nàng lơh geh jơnau kờ` do, tơngai tus, phòng Nông nghiệp mờ Phát triển nông thôn kơnhoàl Chư Sê geh pơn jat tai tơnguh broă mblàng yal, hòi jà làng bol bè broă tam, sơng ka sền gàr kơphê di mờ bơta geh ngan tiah do dê; geh ală broă lơh dong kờl làng bol tam pa wơl kơphê; pah nam geh bơyai lơh pơrjum tơn jơh, tàm yal tơng^t bal mờ tam pà bal bơta mờng chài tàm broă tam pa wơl kơphê…

Cau mblàng K’ Hạnh