VOV4.K’ho- Dờp jơnau jà bơh Chủ tịch Quốc hội mò Nguyễn Thị Kim Ngân dê, Chủ tịch Hạ viện lơgar Kazakhstan là ồng Nurlan Nigmatulin mờ Mpồl kuang bàng dờng màng ala mat Quốc hội lơgar Kazakhstan lòt còp ngan ngồn lơgar he. Drim ngai 14/11, tàm Hìu Quốc hội dê, mò Nguyễn Thị Kim Ngân neh đơng lam dơ\ bơyai lơh wa\ rò ngan ngồn Chủ tịch Hạ viện lơgar Kazakhstan.

Tơnơ\ dơ\ bơyai lơh wa\ rò tơn, Chủ tịch Quốc hội Việt Nam mờ Chủ tịch Hạ viện lơgar Kazakhstan neh lam bồ mpồl kuang bàng dờng màng ala mat Quốc hội 2 lơgar dê mu\t cribơyai. Bàr nă Chủ tịch Quốc hội đơs nền geh tơrgùm tơnguh bơta gi\t gơ\p lơh sa, kă bro; lơh jăt geh cồng nha kơrnoat lơh broă bal Ủy ban 2 Chính phủ Việt Nam mờ Kazakhstan; rề ơnàng lơh broă bal tàm ală gah broă ndai, bè: lơh broă sa sươn sre, bơto bơtê, jak chài, măy mok, niam chài, tàp pràn să jan, nhơl chờ…

Bàr nă Chủ tịch kung neh cribơyai jrô bè lơh broă bal đah 2 lơgar tàm ală gah broă lơh loh làng, lơh geh bơta pràn pa ai lơh broă bal đah 2 lơgar in kung bè đah 2 anih lơh kơrnoat boh lam bơh 2 lơgar dê.

Cau mblàng Lơ Mu K’Yến