VOV4.K’ho- Mò Nguyễn Thị Kim Ngân Chủ tịch Quốc hội pa geh dơ\ lơh broă bồ sơnam pa mờ Ban Lơh sa dà lơgar. Chủ tịch Quốc hội đơs sùm tàm ală cồng nha bơh dà lơgar dê lơh geh tàm nam 2019, geh bơta tă pơgồp bơh kuang bàng, công nhân viên chức mờ cau lơh broă bơh Ban Lơh sa dà lơgar dê.

Chủ tịch Quốc hội lơh broă mờ Ban Lơh sa dà lơgar 

Chủ tịch Quốc hội đơs nền tàm tu\ tơngai lơh sa pa mờ măy mok, tam gơl pa dà lơgar, bơ\t bơtàu dà lơgar, bal mờ kơnòl broă tờm ngan là bơ\t bơtàu Đảng, den kơnòl broă bơtàu tơnguh lơh sa là tờm, kuơmàng khà dùl tàm bơtàu tơnguh dà lơgar.

Đơs sùm jơnau sồr bơh ồng Nguyễn Phú Trọng Tổng Bí thư, Chủ tịch lơgar dê, hơ\ là pal rcăng lài, jơh nùs rlau, ngac ngar rlau, bơceh pa rlau mờ pal lơh geh cồng nha bal uă rlau pơndrờm mờ nam 2019, Chủ tịch Quốc hội sồr Ban Lơh sa dà lơgar pal tơnguh tai cồng nha neh lơh geh, rcăng lài kơlôi sơnơng ală broă dờng, dong pơlam Đảng in ai tơlik ală gùng dà broă lơh, kơrnoăt boh lam, dan tă bơsong ală kal ke, gam gơkòl.

Cau mblàng Lơ Mu K’Yến