VOV4.K’ho- Tàm dơ\ lòt còp mờ lơh broă tàm càr Bình Phước, ngai 8/7, mò Nguyễn Thị Kim Ngân Chủ tịch Quốc hội mờ Mpồl kuang bàng bơh Quốc hội dê neh geh dơ\ lơh broă mờ kuang đơng lam bồ càr. Đơs tàm dơ\ lơh broă, Chủ tịch Quốc hội sồr càr Bình Phước pal lơh jăt dùl ròt bal, geh cồng nha ală gùng dà broă lơh, ngan là bè dia, priă jền, sền gàr rài kis mpồl bơtiàn nàng dong làng bol, mpồl lơh sa kă bro, cau lơh broă, mhar bơtàu tơnguh wơl mờ bơtàu tơnguh lơh sa- mpồl bơtiàn.

Chủ tịch Quốc hội đơs là, 6 nhai bồ nam do, rơndăp tăp sèng lơh sa bơh càr Bình Phước dê neh tam gơl jăt gùng niam rlau, broă lơh sa neh gơguh tus 1,64 dơ\. Mơya, kung gam sơl bơta ờ ndrờm bal lin đah làng bol jơi bơtiàn kòn cau, tiah kơh bơnơm. Chủ tịch Quốc hội sồr, càr pal lơh pràn lơh niam wơl priă jền, pơn jăt tai lơh niam wơl anih bơcri priă kă bro, dong kờl lơh bal đah ală tiah nàng geh bơta lơh broă bal geh cồng nha rlau tai mờ ală càr gơ wèt Tiah lơh sa dờng kuơmàng tiah đah jum dà lơgar. Bal mờ hơ\, Bình Phước pal ngui niam bơta [ươn bè mpồng nhàr lơgar mờ lơgar Campuchia, anih tàm tơrbo\ gùng lòt đah Tây Nguyên mờ tiah đah jum măt tơngai lik dà lơgar nàng bơtàu tơnguh kă bro, drơng broă, logistics.

Cau mblàng Lơ Mu K’Yến