VOV4.K’ho- Ngai òr 4/9, tàm [òn dờng Cao Lãnh, càr Đồng Tháp, Chủ tịch Quốc hội mò Nguyễn Thị Kim Ngân neh lơh broă mờ kuang bàng đơng lam bồ càr Đồng Tháp dê. Đơs tàm dơ\ lơh broă, Chủ tịch Quốc hội jờng rơ ngan càr Đồng Tháp neh tam gơl bơh bồ tơngoh kơlôi sơnơng mìng tam dùl phan tam lơm, tơnguh kòi phe lơh geh tus tơrmù rơhời bă ù lơh kòi kàl dơ\ 3, tam tàm pơdar ală tờm chi tam, phan tàm dà ndai; lơh jat ală broă lơh lơh broă sa sươn sre ngac ngar…

Chủ tịch Quốc hội đơs sùm, mìng gam dùl êt nhai tai là jơh nam 2019, càr Đồng Tháp pal rcăng mờ bơyai lơh gơ in niam ngan Pơrjum dờng Đảng bộ ală kấp wèt tus Pơrjum dờng dơ\ 13 bơh Đảng dê. Bal mờ hơ\, càr pal pơn jat tai bơ\t bơtàu ală anih lơh gơlik phan, ală anih lơh bal tàm lơh broă sa sươn sre; bơ\t bơtàu broă lơh pa, gah phan tờm pràn jat gùng dà lơh gơlik phan niam mờ tơnguh uă priă gơguh tai bơh phan bơna lơh geh bơh sươn sre dê; sền dờng màng rlau tai srơh bơ\t bơtàu [òn lơgar pa nàng Đồng Tháp tàm 5 nam tus geh uă tai xã lơh geh tơl khà [òn lơgar pa, uă broă lơh hợp tác xã niam, uă anih lơh broă geh cồng nha…

Cau mblàng Lơ Mu K’Yến