VOV4.K’ho - Tàm dơ\ tus còp mùl màl lơgar Belarus, Chủ tịch Quốc hội mò Nguyễn Thị Kim Ngân bal mờ mpồl kuang bàng ala măt dờng màng Quốc hội lơgar he neh cri bơyai mờ kuang atbồ lơgar Belarus ồng Alexander Lukashenko.

Tơl^k nùs nhơm chờ hờp geh tìp mờ kuang atbồ lơgar di tàm dơ\ tus còp mùl màl sơnrờp ngan lơgar Belarus tàm gơnoar broă là cau lam bồ Quốc hội, Chủ tịch Quốc hội mò Nguyễn Thị Kim Ngân ưn ngài kuang atbồ lơgar Belarus neh ai tơngai wă mpồl kuang bàng ala măt Quốc hội lơgar Việt Nam.

Kuang atbồ lơgar Belarus mờ Chủ tịch Quốc hội mò Nguyễn Thị Kim Ngân ndrờm đơs là, tàm tơngu me broă lơh bal chính trị niam bơne\, bàr gah pal chồl pràn broă lơh sa kă bro bal ndrờm bal mờ broă lơh bal chính trị, geh ai khà tơnguh kă bro tus 500 tơlăk đôlar Mỹ bè kuang đơng lam dờng màng bơh bàr lơgar neh ring bal.

Cau mblàng Ndong Brawl