VOV4.K’ho- Dờp jơnau jà bơh Chủ tịch Hạ viện, Chủ tịch Quốc hội lơgar Thái Lan, ồng Chuan Leekpai dê, Chủ tịch Quốc hội, mò Nguyễn Thị Kim Ngân mờ Mpồl kuang bàng dờng màng Quốc hội lơgar he dê geh dơ\ lòt còp ngan ngồn lơgar Thái Lan.

Tàm dơ\ tìp mat cribơyaibroă, 2 nă kuang đơng Quốc hội neh cribơyai bè lơh broă bal tàm gah lơh sa – kă bro – bơcri priă đah 2 lơgar.

Chủ tịch Quốc hội, mò Nguyễn Thị Kim Ngân sồr Thái Lan dong kờl uă rlau tai ai broă kă bro phan bơna mờ broă drơng ala in, ngan là ală bơta phan bơkàu, plai đo bơh lơgar Việt Nam dê geh tac tàm drà kă bro lơgar Thái Lan, bal mờ hơ\ Việt Nam kung pơn jờng ală mpồl lơh sa kă bro lơgar Thái Lan sơlơ tơnguh rlau tai broă bơcri priă tàm lơgar Việt Nam.

Chủ tịch Quốc hội, mò Nguyễn Thị Kim Ngân sồr 2 lơgar pơgồp bal tơnguh cồng nha lơhbroă bal tàm Tiah dềt Mekong di mờ broă lam lơh lài ngan bal bơh jơh 5 lơgar dê (geh Campuchia, Lào, Myanmar, Thái Lan mờ Việt Nam).

Cau mblàng K’Duẩn