VOV4.K’ho- Tềng bơdìh dơ\ pơrjum dờng AIPA 40, mho òr 26/8 tàm Bangkok, lơgar Thái Lan dê, mò Nguyễn Thị Kim Ngân Chủ tịch Quốc hội Việt Nam neh tìp mat boh bơr mờ Chủ tịch Hạ viện Maroc ồng Habib El Malki.

Tàm dơ\ tìp mat boh bơr, mò Nguyễn Thị Kim Ngân ưn ngài Chủ tịch mờ Hạ viện Maroc sền gròi tơnguh bơta gi\t gơ\p mờ ală nghị viện ală lơgar tàm mpồl AIPA, kuơmàng là Quốc hội Việt Nam, kung bè ală mpồl lơh broă bal nghị viện tàm ASEAN, châu Á- Thái Bình Dương bơh broă ai ală mpồl kuang bàng dờng màng tus bal ală pơrjum geh bơyai lơh tàm Việt Nam mờ ală lơgar ASEAN.

Chủ tịch Quốc hội Việt Nam đơs sùm, sồr 2 gah pơn jat tai sơlơ ai ală mpồl kuang bàng, ală kấp bộ, gah sơnah lơh broă bal mờ ală tiah bơh 2 lơgar dê lòt còp bal mờ gơ\p nàng kờ` ai bơta gi\t gơ\p 2 gah sơlơ tơnguh rlau tai; pơn jat tai lơh broă bal niam, lơh broă geh cồng nha tàm mpồl lơh broă Ủy ban tàm bơrlu\ bal mờ ală mpồl lơh broă dong pơlam chính trị đah 2 lơgar dê; sơlơ lơh broă bal đah ală tiah bơh 2 gah dê…

Cau mblàng Lơ Mu K’Yến