VOV4.K’ho- Mang òr, 25/8, tàm càr lơgar Bangkok, tàm tơngume ală broă lơh tus bal Pơrjum dờng dơ\ 40 Mpồl duh broă Nghị viện ală lơgar tiah đah jum mat tơngai lik châu Á (AIPA 40), Chủ tịch Quốc hội mò Nguyễn Thị Kim Ngân neh tus bal tàm pơrjum dơ\ sơn rờp- pơrjum Ban Chấp hành AIPA.

Tàm dơ\ pơrjum, Ban Chấp hành AIPA neh ring bal pồ Chủ tịch Quốc hội Việt Nam lơh Phó Chủ tịch Ban Chấp hành AIPA. Jat kơrnoat boh lam, Chủ tịch AIPA nam tơnơ\ geh pồ lơh Phó Chủ tịch Ban Chấp hành AIPA. Ban Chấp hành AIPA neh ring bal Jơnau yal bơh ală dơ\ Pơrjum bơh ală cau bơto pơlam AIPA Caucus dơ\ 10; Jơnau yal dơ\ tìp mat kuang đơng lam mpồl ASEAN – AIPA tàm pơrjum kuang bàng dờng màng mpồl ASEAN dơ\ 30; Jơnau yal dơ\ tìp mat kuang đơng lam bồ mpồl ASEAN –AIPA tàm pơrjum kuang bàng dờng màng mpồl ASEAN dơ\ 34; Jơnau yal cồng nha Pơrjum Ủy ban AIPA CODD dơ\ 2 bè rcang sơn dră rềs àr ma tuý; ring bal broă lơh bơh Pơrjum AIPA dơ\ 40…

Tàm dơ\ pơrjum Ban Chấp hành, Chủ tịch Quốc hội neh yal bè broă Pơrjum dờng AIPA dơ\ 41 geh lơh tàm [òn dờng Hạ Long, càr Quảng Ninh tàm nhai  8/2020  bơh  Việt Nam dờp gơnoar broă lơh Chủ tịch AIPA.

Cau mblàng K’ Hạnh