VOV4.K’ho- Mho ngai 19/3, tàm Hìu Quốc hội, mò Nguyễn Thị Kim Ngân Chủ tịch Quốc hội Việt Nam neh wa\ rò Đại sứ lơgar Nhờk tàm Việt Nam ồng Umeda Kunio. Chủ tịch Quốc hội đơs, bơta gi\t gơ\p lơh broă bal đah 2 lơgar ngai sơlơ geh kuơ ngan ngồn rlau tàm ală gah broă lơh: chính trị, lơngăp lơngai sền gàr dà lơgar, lơh sa, kă bro, bơcri priă, nhơl chờ, lơh broă, mờ tìp măt lơh quèng bal đah làng bol.

Nhờk là lơgar ai priă ODA ai Việt Nam in uă mờ geh cồng nha. Chủ tịch Quốc hội đơs là, ală cồng nha do geh bơta tă pơgồp uă ngan bơh Đại sứ ồng Umeda Kunio dê. Tàm dơ\ wa\ rò, mò Nguyễn Thị Kim Ngân mờ Đại sứ Umeda Kunio neh cribơyai bàr pe broă ngan ngồn bè lơh broă bal đah 2 lơgar, tàm hơ\ geh lơh broă bal bè lơh broă, sơndră wơl mờ kòp Covid-19.

Đại sứ Nhờk ồng Umeda Kunio kơ\p kờ` Việt Nam mờ Nhờk lơh pràn lơh broă bal tàm gah broă lơh sơndră wơl mờ bơta tam gơl trồ tiah, ngan là sơndră wơl mờ jơnau trồ prang dờng soăt dà, dà hang mu\t gơlik geh tàm tiah ring dà dờng Cửu Long.

Cau mblàng Lơ Mu K’Yến