VOV4.K’HO – Di ngai Kơnrà` lik lìng mờ nam pa 2020, Chủ tịch Quốc hội, mò Nguyễn Thị Kim Ngân neh lòt còp mờ nting sap gờm chờ Tòa Tổng giám mục Hà Nội, Tổng Giám mục gah jat yàng bàp Hà Nội, Phó Tổng Thư ký Hội đồng giám mục Việt Nam, ồng Vũ Văn Thiện, Hồng y, lài do là Tổng Giám mục, Tổng giáo phận Hà Nội, ồng Nguyễn Văn Nhơn; pơyua jơnau lùp còp mờ pơyua bơkàu nting sap gờm chờ bơh Tổng Bí thư, Chủ tịch lơgar, ồng Nguyễn Phú Trọng dê tus Tổng giám mục, ală linh mục, tu sỹ mờ cau jat yàng bàp.

Ala mat kuang đơng lam bồ Đảng, dà lơgar, Chủ tịch Quốc hội, mò Nguyễn Thị Kim Ngân nting sap gờm chờ Tòa Tổng giám mục Hà Nội, ală linh mục, tu sỹ, bal mờ làng bol jat yàng bàp gơ wèt mpồl jat yàng Bàp Hà Nội dùl kàl Nôel lơngap lơngai, bềng lìu bơta kờ` gơboh bơh yàng bàp dê. Chủ tịch Quốc hội kơp kờ`, gah jat yàng bàp Hà Nội kung bè ală giáo phận ndai tàm gùt lơgar pơn jat tai bơtàu tơnguh nàng cèng wơl rài kis ring lơngai, ờ mìng ai cau jat yàng bàp in mờ gam ai làng bol gùt lơgar in. Bơh broă lơh gah jat yàng bàp dê kung bè Tổng giám mục dê geh pơgồp bơnah tơnguh, gàr kơ\ mpồl tam klac dờng gùt jơi bơtìan jat di gùng dà broă lơh bơh Đảng, dà lơgar dê.

Cau mblàng K’Duẩn