VOV4.K’ho- Mho òr 24/7, tàm Hìu Quốc hội dê, mò Nguyễn Thị Kim Ngân Chủ tịch Quốc hội neh tìp mat ală cau ala mat cau ling sồt să kơn jơ\ pơnrơ gùt lơgar nam 2019. 72 nă cau ling sồt să kơn jơ\ pơnrơ tus bal dơ\ tìp mat tàm Hìu Quốc hội mờ 500 nă cau ling sồt să kơn jơ\ pơnrơ gùt lơgar ndrờm là ală cau neh sơrlèt gan bơta jê sồt să jan, jai pha mờ bơta kòp tê jê să, lơh ngan pơđơl pràn tàm rài kis. Uă cau neh gơ gơs là ală krơh lơh sa jak.

Đơs tàm dơ\ tìp mat, mò Nguyễn Thị Kim Ngân tơlik nùs nhơm ngoh rơngăc ngan geh tìp ală cau ala mat cau ling sồt să kơn jơ\ pơnrơ tàm gùt lơgar; mơkung tơngkah ală kấp, ală gah tơrgùm lơh jat di gùng dà broă lơh bơh Đảng, Dà lơgar dê gơ wèt mờ cau ling sồt să, cau ling kòp tê jê să, hìu bơnhă cau ling chơ\t màng, cau geh màng mờ kăc màng.

Tàm hơ\, pal sền gròi ngan tus ală cau ling sồt să kơn jơ\, ală hìu bơnhă geh màng mờ dà lơgar gam ơm kis is dùl nă să, geh rài kis kal ke ir, tàm tiah làng bol kòn cau… Pal ai lài priă jền bơsong ală jơnau kờ` jal mhar gơ wèt mờ cau geh màng mờ dà lơgar, lơh pràn srơh mpồl bơtiàn lơh bal, sền gròi dong kờl cau geh màng mờ kăc màng.

Cau mblàng Lơ Mu K’Yến