VOV4.K’ho – Chủ tịch Quốc hội, mò Nguyễn Thị Kim Ngân mờ Mpồl kuang bàng dờng màng Quốc hội lơgar he dê neh geh dơ\ tìp mat mờ Chủ tịch lơgar Tatarstan, lòt còp anih lơh broă hòi jà bơcri pria\ bơh lơgar Tatarstan dê. 

Chủ tịch Quốc hội đơs nền, Việt Nam sùm sền dờng màng git gơp lơh broă bal jo\ jòng tơl làm mờ lơgar Nga. Quốc hội Việt Nam sùm kờ` sơlơ tơnguh rlau tai lơh broă bal tơl làm đah Việt Nam mờ Nga, tu\ lơi kung kờ` pơgồp bal mờ Chính phủ, di tu\ bơsong kal ke tàm broă lơh bal đah 2 lơgar, pơgồp bơnah ai broă lơh bal đah Việt Nam mờ Nga ngai sơlơ bơtàu tơnguh mờ geh cồng nha.

Chủ tịch Quốc hội sồr Chủ tịch lơgar Tatarstan bal mờ Duma dà lơgar mờ Hội đồng lơgar Nga pơ gồp bal jơh nùs mờ Quốc hội Việt Nam nàng tơnguh tus dùl khà pa; 2 gah chồl pràn broă cribơyai broă bal mpồl kuang bàng đah Chính phủ Tatarstan mờ Quốc hội Việt Nam; jơh nùs cribơyai, dong kờl bal mờ gơp gơ wèt tus mờ ală broă mờ 2 gah sền gròi bal; chồl pràn lơh broă đah ală tiah mờ tìp mat lơh quèng làng bol.

Cau mblàng K’Duẩn