VOV4.K’ho – Mho òr, 12/7, tàm Đại lễ đường Nhân dân, càr lơgar Bắc Kinh, Chủ tịch Quốc hội, mò Nguyễn Thị Kim Ngân neh tìp mat cribơyai broă mờ Chủ tịch Chính hiệp lơgar Lo, ồng Uông Dương. Chủ tịch Quốc hội, mò Nguyễn Thị Kim Ngân đơs niam ală cồng nha lơh geh bơh ală broă lơh bal đah Mặt trận dà lơgar Việt nam mờ Ủy ban gùt lơgar Chính hiệp lơgar Lo tàm tơngai lài, kuơ màng là broă lơh tìp mat lơh bơyô làng bol geh lơh bơh ngai 9 tus ngai 13/4/2019 tàm càr Vân Nam pa do.

Mò Nguyễn Thị Kim Ngân sồr ồng Uông Dương pơn jat tai sền gròi, đơng lam Chính hiệp lơgar Lo pơgồp bal jơh nùs mờ Mặt trận dà lơgar Việt Nam lơh jat ală tơngume lơh broă bal; sơlơ tìp mat lơh broă bal đah 2 anih lơh broă; pơn jat tai pơn jờng Ủy ban Mặt trận ală kấp mờ ală kuang bàng geh jơng bơh tơl gah dê, sơlơ mblàng yal, yal tơnggit bè bơta tam klac lơh bơyô bal đah làng bol 2 lơgar Việt Nam mờ Lo, pơgồp bơnah uă ngan ai broă ngai sơlơ bơt bơtàu mờ bơtàu tơnguh git gơp 2 Đảng, 2 dà lơgar bơtàu tơnguh.

Cau mblàng K’Duẩn