VOV4.K’ho – Tàm dơ\ lòt còp ngan ngồn lơgar Belarus, mho ngai 12/12, tàm càr lơgar Minsk, Chủ tịch Quốc hội, mò Nguyễn Thị Kim Ngân tìp mat cribơyai broă mờ Chủ tịch Viện Kuang bàng Quốc hội lơgar Belarus, ồng Vladimir Andreichenko. Tàm dơ\ tìp mat cribơyai broă, 2 nă kuang đơng lam bồ ring bal đơs là, 2 gah pal tơr gùm sền gròi lài ngan tus broă chồl pràn rlau tai lơh broă bal tàm ală gah broă lơh mờ lơgar Việt Nam geh bơta pràn mờ Belarus geh jơnau kờ` bè phan tà` mai, phan lơh bơh dơm chi, phan tàm dà, sơnơm tơmba, ma\i tính mờ lơgar Belarus geh bơta pràn bè phơng sih, ma\i mok, phan bơna, phan crap lơh rơndeh dờng, ma\i doi\, rơndeh kong goa, dà sơnơm…

Jat Chủ tịch Quốc hội đơs, 2 gah gơtùi lơh broă bal, lơh ală hìu ma\i lơh gơlik ală bơta phan bơh tơl lơgar dê tàm 2 lơgar. Chủ tịch Quốc hội sồr 2 gah pơn jat tai gàr sùm ală broă lơh lơh broă bal bơto bơtê kuang bàng; tàm yal jơnau tơnggit bè ală broă geh gơ rềng tus lơngap lơngai dà lơgar bơh tơl lơgar dê, rơcang sơndră cau tìs geh mpồl bal, gan ală lơgar, cau tìs ngui công nghệ cao, dră wơl bol sò tơm iơh bơsak.

Cau mblàng K’Duẩn