VOV4.K’ho – Tàm dơ\ lòt còp ngan ngồn lơgar Nga, Chủ tịch Quốc hội, mò Nguyễn Thị Kim Ngân neh tìp mat làng bol Việt Nam tàm càr lơgar Kazan, lơgar Tatarstan. Chủ tịch Quốc hội yal làng bol in bè bơta bơtàu tơnguh lơh sa, mpồl bơtìan tàm lơgar tàm tơngai lài. Tàm nam 2019 mờ 2020, 2 lơgar bơyai lơh ua\ broă lơh bè Nam lơgar Việt Nam tàm lơgar Nga mờ Nam lơgar Nga tàm lơgar Việt Nam di tơngkah 25 nam ngai ki\ Hiệp ước bè ală kơrnuat pal jat kuơmàng bơh git gơp lơh bơyô Việt Nam – Nga mờ 70 nam ngai crơng gơs git gơp lơh broă bal đah 2 lơgar.

Dơ\ lòt còp ngan ngồn lơgar Nga dơ\ do bơh Mpồl kuang bàng dờng màng Quốc hội Việt Nam dê kung là dùl broă lơh pơgồp bơnah tàm ală jơnau kuơmàng hơ\, mơkung chồl pràn git gơp lơh bơyô ờs mờng mờ lơh broă bal jo\ jòng tơl làm đah Việt Nam mờ Nga mờ lơh broă bal đah 2 Quốc hội bơh 2 lơgar dê. Chủ tịch Quốc hội kơp kờ` làng bol Việt Nam kis tàm lơgar ndai pơn jat tai là rbàng tơrbo\ kuơmàng ai git gơp lơh bơyô đah Nga mờ làng bol Việt Nam. Tơl nă cau ndrờm ai tơnggo\ dùl rùp să, kòn bơnus Việt Nam, nàng bơh hơ\, ală làng bol tàm Kazan, Tatarsan halà tàm lơgar Nga gơtùi go\ rùp să cau lơgar Việt Nam dê.

Cau mblàng K’Duẩn