VOV4.K’ho- Di dơ\ tơngkah 75 nam ngai crơng gơs Mpồl ling klàng làng bol Việt Nam, tàm hìu Quốc hội dê, mò Nguyễn Thị Kim Ngân Chủ tịch Quốc hội neh geh dơ\ tìp măt mờ Cau ling yau Mpồl ling đặc công- ală cau neh geh uă dà kơlhề ai broă lơh tam lơh mờ bol sò tơm sơgràm phà, dong klàs jơi bơtiàn, tơrgùm dùl dà lơgar.

Đơs tàm dơ\ tìp măt, Chủ tịch Quốc hội đơs sùm: Đảng, Dà lơgar sùm sền gròi, dong kờl lơh jăt niam broă lơh cau geh màng mờ Kăc màng, tàm hơ\ geh broă lơh jăt broă dong kờl gơ wèt mờ cau ling yau kung bè broă lơh bơh ală mpồl gơ wèt Mpồl cau ling yau Việt Nam dê. Quốc hội kung sùm sền dờng màng ngan tus broă dong kờl gơ wèt mờ cau geh màng mờ kăc màng.

Chủ tịch Quốc hội kơ\p kờ` tơl nă cau ling yau pal sùm là dùl nă cau lơh krơh niam tàm mpồl bơtiàn, pơgồp bơnah bơto bơtê bơhiàn kờ` gơboh dà lơgar, bơhiàn kăc màng ai rơnàng kơnòm să in đòm jăt cơnđoà jơng lòt bơh bèp ồng dê, kis geh jơnau kơ\p kờ`, geh bồ tơngoh lơh ngan pơđơl pràn brồ guh, bơ\t bơtàu broă lơh sa- mpồl bơtiàn mờ sền gàr Dà lơgar.

Cau mblàng Lơ Mu K’Yến