VOV4.K’ho- Drim òr 22/8, tàm kơnhoàl Hoành Bồ, càr Quảng Ninh, mò Nguyễn Thị Kim Ngân Chủ tịch Quốc hội tus bal Dơ\ bơyai lơh jàu pà Hìu bơsram kấp dùl mờ kấp bàr Đồng Sơn mờ jàu pà dà toh bơh Kes priă Dà toh gơtồ dờng Việt Nam dê.

                    Chủ tịch Quốc hội tus bal Dơ\ bơyai lơh jàu pà hìu bơsram tàm Quảng Ninh 

Hìu bơsram geh lơh bal mờ kờp jơh priă tă lơh là 8 tơmàn 300 tơlak mờ geh jàu ai ngui lài mờ ngai sơnđờm mu\t nam bơsram pa 2019- 2020 geh dong oh kòn làng bol cau Dao tàm do in geh anih bơsram niam rlau. Hìu bơsram bơh Chủ tịch Quốc hội hòi jà lơh mờ pà, geh jơh ală 18 cơldu\ bơsram, 21 cơldu\ ơm tàm hìu bơsram drơng 36 nă cau pơgru mờ 115 nă kơnòm bơsram ơm ngài in.

Tàm dơ\ bơyai lơh, geh lơh jàu pơrya gời rlau 71 rbô ly dà toh bal mờ kờp jơh priă là 500 tơlak bơh Kes priă Dà toh gơtồ dờng Việt Nam dê mờ Kes priă Sền gàr dong kờl kơnòm dềt Việt Nam dong kờl; jàu mờr 500 bơnah phan là àu mpha ring bal mờ kờp jơh priă là 600 tơlak bơh kuang đơng lam bồ càr Quảng Ninh pà cau pơgru, kơnòm bơsram Hìu bơsram kấp dùl- kấp bàr Đồng Sơn in.

Cau mblàng Lơ Mu K’Yến