VOV4.K’ho - Drim òr (25/12), tàm Hà Nội, Bộ Lao động, Thương binh mờ Xã hội bơyai lơh pơrjum lơh jăt kơnòl nam 2020 gah lơh broă – cau geh màng mờ dà lơgar bal mờ mpồl bơtiàn.

Tus bal mờ geh jơnau đơs, Chủ tịch Quốc hội mò Nguyễn Thị Kim Ngân đơs, Bộ pal bơcri tàm broă ngăc ngar mờ pràn kơl dang, jòi kờ` kơlôi sơnơng bơ\t bơtàu dùl broă lơh jo\ jòng kờ` tơnguh bơtàu gah broă do ndrờm bal, di pal bơh broă gàr niam rài kis broă lơh sa mpồl bơtiàn đơs is, broă lơh mpồl bơtiàn đơs bal mờ chồl pràn broă tam gơl pa broă atbồ dà lơgar m tơnguh bơtàu anih lơh broă ngai sơlơ geh uă bơta, pràn kơl dang, ndrờm bal tàm broă tơrgùm bal, tìp bal mờ ală khà broă, kơrnoăt boh lam dunia dê.

Di tàm dơ\ rơcang wă rò nam pa 2020 mờ satềp Canh Tý, Chủ tịch Quốc hội sồr, jơh gùt gah lơh broă – cau ling sồt să mờ mpồl bơtiàn tơrgùm sền gròi, drơng gàr nền nòn, dong kờl di tu\ làng bol tàm tiah gơtìp hoàc huơr uă tài rềs àr bơh trồ tiah, mìu càl dờng, dà tih dà cò… kờ` ală cau ndrờm geh wă rò satềp Canh Tý nam 2020 chờ hờp, niam bơne\, ờ do ờ dă, tềm pềr.

Cau mblàng Ndong Brawl