VOV4.K’ho – Drim ngai 9/1, tàm hìu lơh broă Quốc hội, Chủ tịch Quốc hội, mò Nguyễn Thị Kim Ngân wă Chủ tịch Quốc hội lơgar Lào, mò Pany Yathotou gam geh dơ\ lòt còp lơgar Việt Nam. Đơs niam cồng nha bơh ală dơ\ pơrjum neh geh 2 lơgar bơyai lơh geh cồng nha ngan tàm tơngai lài, Chủ tịch Quốc hội, mò Nguyễn Thị Kim Ngân sồr, tàm nam 2020, 2 gah geh pơn jat tai bơyai lơh pơrjum bal nàng cribơyai, tàm pà mờng chài lơh broă tàm ală gah broă lơh bơh Quốc hội 2 lơgar dê.

Tàm dơ\ tìp mat cribơyai broă, 2 nă kuang đơng lam bồ ring bal đơs niam broă 2 Quốc hội neh pơgồp bal jơh nùs nàng sồr pà khà jờng ală mpồl bal, cau dùl nă să geh cồng nha jak ngan in tàm broă tơnguh git gơp lơh bơ yô ờs mờng đah 2 lơgar. Tơngai tus, 2 Quốc hội geh pơn jat tai cribơyai mờng chài lơh broă, lơh broă bal ngan ngồn, geh cồng nha rlau. Chủ tịch Quốc hội, mò Nguyễn Thị Kim Ngân đơs nền geh mhar cribơyai mờ Chính phủ, ală anih lơh broă bơh Chính phủ dê bè gah hải quan. Tàm nam do, Quốc hội 2 lơgar digơlan lơh pơrjum nàng cribơyai mờng chài bè bơt bơtàu adat boh lam mờ gròi sền tàm gah tư pháp.

Cau mblàng K’Duẩn