Tàm dơ\ wă, Chủ tịch Quốc hội pin dờn là, Ngân hàng dunia geh pơn jăt tai bal mờ Quốc hội lơgar Việt Nam tàm broă bơ\t bơtàu ală broă lơh kuơ màng mờ tàm hơ\ uă ngan là bè broă lơh gơwèt mờ làng bol kòn cau lơgar Việt Nam dê.

Kuang atbồ dà lơgar Ngân hàng dunia tàm lơgar Việt Nam ồng Ousmane Dione ưn ngài Quốc hội lơgar Việt Nam neh đơng lam bal bơyai lơh pơrjum “Ală bơta gơrềng bal tus mờ broă tơnguh bơtàu lơh sa mpồl bơtiàn làng bol kòn cau tàm lơgar Việt Nam”, do kung là tơngu me tòm, broă lơh mờ Ngân hàng dunia sền gròi.

Kuang atbồ Dà lơgar Ngân hàng dunia tàm lơgar Việt Nam kơ\p kờ` lơh broă bal, tam pà bal broă mờng chài mờ kuang bàng Quốc hội, ală Uỷ ban Quốc hội, kuơ màng bè ală gah broă bè: tơnguh bơtàu drà kă bro priă jền; hòi jà priă jền ai gah lơh ồs đèng, kuơ màng là hòi jà priă geh bơh cau dùl nă să lơh is; tơnguh bơtàu tiah ring dà dờng Cửu Long; tơngai bơcri priă bơh ală rơndăp broă bơcri priă dà lơgar dê…

Cau mblàng Ndong Brawl