VOV4.K’ho- Drim òr 1/8, tàm Hìu Quốc hội, mò Nguyễn Thị Kim Ngân Chủ tịch Quốc hội neh wa\ rò Đại sứ- Kuang atbồ Mpồl kuang bàng ala mat Mpồl Tam klac châu Âu (EU) tàm Việt Nam là ồng Bruno Angetlet tus tơngăc di dơ\ tơn jơh tơngai lơh broă. Chủ tịch Quốc hội đơs niam ngan bơta tă pơgồp bơh Đại sứ dê tàm broă dong kờl tơnguh bơta gi\t gơ\p đah Việt Nam mờ Mpồl EU, Nghị viện châu Âu, kuơmàng là tàm broă 2 gah jơh lơh cribơyai mờ ki\ ngan ngồn 2 Hiệp định EVFTA mờ IPA.

Chủ tịch Quốc hội wa\ rò Đại sứ- Kuang atbồ Mpồl kuang bàng ala mat Mpồl EU tàm Việt Nam 

Di tàm dơ\ do, Chủ tịch Quốc hội yal mờ Đại sứ- Kuang atbồ Mpồl kuang bàng ala mat mpồl EU tàm Việt Nam in ală bơta gơlik geh pa ngan rlau jơh bè dà lềng đah mat tơngai lik; mơkung đơs nền, bơta pal jat mờ nùs nhơm ờ tu\ lơi tam gơl bơh Việt Nam dê là bơsong tam pìt tam phà tàm dà lềng đah mat tơngai lik bơh broă lơh ring lơngai dipal mờ adat boh lam dunia dê, tàm hơ\ geh Công ước Liên hợp quốc dê bè Adat dà lềng nam 1982.

Bè đah he, Đại sứ Bruno Angetlet đơs nền, Mpồl EU sùm lơh ngan jơh nùs jơh pràn ngan rlau jơh nàng tơnguh rlau tai bơta gi\t gơ\p mờ Việt Nam kung bè dong Việt Nam bơtàu tơnguh pràn kơldang rlau tai. Tu\ do, Việt Nam là lơgar dùl lơm geh ală hiệp định tơl làm mờ EU, bè Hiệp định Kă bro Khat gơboh; Hiệp định Sền gàr Bơcri priă; Hiệp định Lơh broă bal is bè lơh jat adat lơh broă brê bơnơm, atbồ brê mờ kă bro dơm chi brê…

Cau mblàng Lơ Mu K’Yến