VOV4.K’ho- Mho ngai 19/12, tàm Hìu Quốc hội dê, mò Nguyễn Thị Kim Ngân Chủ tịch Quốc hội wa\ rò Thống tướng ồng Min Aung Hlaing, Kuang ătbồ ală mpồl ling phàu crong lơgar Myanmar.

Mò Nguyễn Thị Kim Ngân đơs sùm, Việt Nam mờ Myanmar ndrờm là lơgar tàm mpồl ASEAN, Việt Nam sùm kơ\p kờ` dà lơgar Myanmar kơ\ kơl jăp mờ bơtàu tơnguh tàm ală broă lơh gơ tàm sòr bal jơi bơtiàn.

Mờ đơs sùm tai, Myanmar mờ Việt Nam gam geh bơta lơh broă bal bơtàu tơnguh niam ngan, gam uă bơta pràn lơh broă bal tàm tơngai tus, Tống thướng ồng Min Aung Hlaing đơs wơl jơnau sồr pơndiang phan kă bro mờ gùng dà lềng roh ngan tu\ tơngai, 2 lơgar gơtùi sền swì wơl pơndiang phan kă bro mờ gùng tiah lòt gan lơgar Lào nàng tơn ru\c lơyah gùng jòng, tơngai pơndiang. Thống tướng kơ\p kờ` geh uă mpồl kuang bàng ala măt Quốc hội lơgar Myanmar lòt còp Việt Nam nàng sơlơ lơh broă bal tai đah 2 Quốc hội 2 lơgar dê.

Cau mblàng Lơ Mu K’Yến