VOV4.K’ho - Drim òr (13/12), Chủ tịch Uỷ ban mặt trận Dà lơgar Việt Nam ồng Trần Thanh Mẫn bal mờ mpồl kuang bàng lơh broă tus còp, pà phan mờ chờ gờm Noel tàm anih kơ đơng yàng Bàp Ban Mê Thuột mờ Mpồl ala măt gah jăt yàng Tin lành Việt Nam tàm càr Dak Lak.

                                                                     Chờ gờm Noel tàm càr Dak Lak

Tàm ală anih tus còp, ala măt kuang bàng đơng lam Đảng, Dà lơgar, mặt trận Dà lơgar Việt Nam, ồng Trần Thanh Mẫn neh yal bè broă lơh sa mpồl bơtiàn dà lơgar dê tàm nam do, jơh ală khà broă lơh sa mpồl bơtiàn geh mờ sơrlèt mờ rơndăp broă geh ai, khà gơguh GDP di pơgăp 6,9%, broă lơh bal mờ lơgar ndai geh gơguh mờ pờ ơnàng.

Chủ tịch mặt trận dà lơgar Việt Nam đơs: geh ală cồng nha do là kơnờm mờ broă lơh ngan bơh gùt làng bol, tàm hơ\ geh làng bol jăt yàng bàp, yàng tim lành lòt bal mờ dà lơgar.

Ồng Trần Thanh Mẫn kơ\p kờ` ală cau kơ đơng yàng bal mờ làng bol jăt yàng pơn jăt tai tơnguh bơhiàn kờ` gơboh mờ dà lơgar, bal mờ dà lơgar, tơnguh ală cồng nha neh lơh geh, ală bơta niam bơne\, nùs nhơm jăt yàng, kơnòl làng bol, pơgồp bal uă rơlao tai tàm broă bơ\t bơtàu dùl dà lơgar Việt Nam tài làng bol pas gơs, dà lơgar pràn kơl dang, ndrờm bal mờ ngăc ngar jăk chài.

Cau mblàng Ndong Brawl