VOV4.K’ho- Pơn jat tai lòt còp mờ lơh broă tàm càr Dak Lak, Chủ tịch Uỷ ban Mặt trận Dà lơgar Việt Nam ồng Trần Thanh Mẫn neh tus tơn lùp còp mờ jàu bơta dong kờl priă jền lơh hìu tam klăc dờng ai ală hìu bơnhă in tàm ù tiah kơnhoàl Ea Súp, tiah tờm dơ\ mìu nhàc dà ko\ dà cò tàm dơ\ trồ tiah lơh aniai pa do.

Chủ tịch Mặt trận dà lơgar Việt Nam ồng Trần Thanh Mẫn đơs nền, broă bơsong jơnau gơ lời wơl tài mìu nhàc dà tih gơlik geh ờ mìng ơm wơl tàm tu\ tơngai do lơm gời mờ gam pal pơn jat tai tàm ală nam pơn jat tai nàng lơh wơl hìu đam, srê mìr mờ bơsong wơl phan bơna lơh sa, kă bro ai làng bol in.

Gơ wèt mờ broă pà priă, phan bơna bơh ală tiah dong kờl in, Chủ tịch Mặt trận dà lơgar Việt Nam ồng Trần Thanh Mẫn sồr broă pà mờ dong kờl pal di nùs nhơm tàm Nghị định sồ 64 bơh Chính phủ dê, tàm hơ\ lơh lài dong kờl lơh hìu ơm ai ală hìu bơnhă geh hìu gơtìp dà tih pơr dô mờ hìu bơnhă r[ah tàm gùt càr dê. Sồr cấp ủy, gơnoar abồ, Mặt trận dà lơgar mờ mpồl cau sơm bat tê bal hòi jà ală mpồl cau dong kờl làng bol bơt bơtàu hìu ơm tam klăc dờng niam rlau, kơ\ kơl jap rlau, gàr niam bơnàng kơ\, hìu kơ\ mờ rơkàng kơ\.

Cau mblàng K’ Hạnh