Tàm tơngai bơh nam 2021-2023 gùt lơgar neh hòi jà geh mờr 80 rơbô nă cau bơsram tơn jơh bơta ờ gĭt sră.  Mìng is 51 càr gơwèt Broă lơh jơnau kờñ Dà lơgar neh hòi jà geh 54 rơbô nă cau bơsram tơn jơh bơta ờ gĭt sră, tàm hơ̆ geh 44 rơbô nă cau bơsram là làng bol jơi bơtiàn dồ ết nă cau.

Tềng đap bơta geh ngan uă oh kòn làng bol ală jơi bơtiàn dồ ết nă cau geh rài kis kal ke uă ngan, pal rlô bơsram sră tàm tơngai bơsram, Ƀộ Tư lệñ Mpồl ling sền gàr tiah nhàr lơgar lam lơh uă broă lơh nàng kờñ dong kờl ală kơnòm bơsram geh ală bơta ƀuơn ngan nàng lòt bơsram. Pah nam, dong kờl rlau 3 rơbô nă sau ( tàm hơ̆ geh  mờr 200 nă sau ơm tàm tiah nhàr lơgar mờ lơgar Lào, Campuchia), mờ khà priă 500 rơbô đông dùl nhai tus tŭ bơsram jơh ơdŭ 12; ală Pôs đồng ling sền gàr tiah nhàr lơgar dờp ròng tơn mờr 400 nă sau tàm Pôs đồng. Tus tŭ do, kờp jơh priă jền ai broă lơh do in pơgap mờr 100 tơmàn đong.