Drim òr (10/11), tàm kơnhoàl Ea Súp, càr Dăk Lăk, ala măt kwang đơng lam Mpồl đơng lam ling sền gàr tiah nhàr dà lơgar càr Dăk Lăk, Anih pờ tơlik jơnau đơs Việt Nam tàm Tây Nguyên, Ngân hàng Agribank tàm tiah đah tô càr Dăk Lăk, Kông ty Honda Dăk Lăk, Kông ty Phơng sih Vân Nguyên bal mờ ờ uă cau dong kờl neh bơyai lơh jào hìu “Hìu ram tiah nhàr dà lơgar” ai hìu rơƀah gơtìp kal ke tàm xã tiah nhàr dà lơgar Ea Bung in.

Hìu do geh lơh ơnàng rơlao 90 thơ̆k vuông geh jào pà 2 nă ùr bơklao ồng Hoàng Minh Lý, kis tàm thôn 8, xã tiah nhàr dà lơgar Ea Bung in. Hìu kờp jơh khà priă tă lơh gơs rơlao 150 tơlăk đong, tàm hơ̆ 80 tơlăk đong geh ală mpồl lơh sa kă bro tă dong kờl bal, bơnah priă gam tai là bơh cau pròc mhàm tàm hìu nhă tă dong kờl. Đại tá Đỗ Quang Thấm, Cíñ ủy Mpồl đơng lam ling sền gàr tiah nhàr dà lơgar càr Dăk Lăk pà git, ală nam pa do, mpồl ling lơh jăt broă lơh “Hìu ram tiah nhàr dà lơgar” mờ neh lơh gơs 5 nơm hìu dong kờl ală hìu rơƀah gơtìp bal ke bè hìu ơm tàm xã tiah nhàr dà lơgar Ea Bung in.