Tàm dơ̆ lam sồr lơh rơndăp broă Hìu bơsram lơngăp lơngai” nam dơ̆ 4, nam bơsram 2023-2024, geh 800 nă kơnòm bơsram tàm hìu bơsram kấp dùl Hà Bầu, xã Hà Bầu, kơnhoàl Đăk Đoa neh geh dờp sơgơn gàr bồ geh lơh di pal mờ bồ kơnòm bơsram dê; geh bơto sồr ndao sơgơn gàr bồ di pal mờ tus bal uă broă nhơl chờ niam, tơnguh jơnau git wă, tam gơl bơta mờng bè gàr niam lơngăp lơngai gùng lòt. Tơnơ̆ mờ 3 nam lơh, rơndăp broă “Hìu bơsram lơngăp lơngai” bơh Kes priă rơcang sơndră mờ chơ̆t jê câu Á neh dong kờl 13 rơbô nă kơnòm bơsram tàm càr geh bơto jơnau git wă tus bal lòt tàm gùng lơngăp lơngai.