VOV4.K’ho - Nam 2019 bu\ lah tìp uă kal ke, mơya broă lơh jăt broă tơm priă sền gàr tiah kis brê bơnơm càr Kon Tum gam geh cồng nha niam ngan. Geh bơta do là kơnờm mờ broă sền gròi đơng lam di tu\ bơh UBD càr, mpồl duh broă atbồ kes priă sền gàr mờ tơnguh bơtàu brê càr bal mờ kes priă sền gàr mờ tơnguh bơtàu brê Việt Nam.

Bơdìh hơ\ tai gam là broă pơgồp bal nền nòn, di tu\ bơh ală sở, gah lơh broă, gơnoar atbồ ală cấp tàm broă lơh jăt kung bè broă ring nùs bal bơh ală mpồl ngui, mpồl ai broă drơng ala tiah kis brê mờ kuơ màng là broă tus bal bơh mpồl bơtiàn [òn lơgar bal mờ làng bol tàm càr dê.

Kờp tus ngai 06 nhai 12 nam 2019, kes priă sền gàr mờ tơnguh bơtàu brê càr Kon Tum neh hòi jà ală khà priă tă geh rơlao 189 tơmàn priă, geh 75% pơn drờm mờ rơndăp broă mờ kờp du\ lơh tus ngai 31 nhai 12 nam 2019 là rơlao 266 tơmàn priă, geh di pơgăp 105% khà rơndăp broă geh ai.

Bơh khà priă tă do, neh tơl priă tă ai broă atbồ, sền gàr rơlao 360 rơbô 600 lồ brê, geh di pơgăp 63% kờp jơh bă brê gùt càr tàm hơ\ ờ kờp tòm cao su, chi tam ndai.

Ồng Hồ Thanh Hoàng, kuang atbồ keas priă sền gàr mờ tơnguh bơtàu brê càr Kon Tum pà g^t, tàm nam 2019, broă pơn jăt tai lơh geh cồng nha broă tơm priă sền gàr tiah kis brê neh cèng geh ală cồng nha niam tàm broă atbồ, sền gàr mờ tơnguh bơtàu brê càr dê. Tàm hơ\ geh bàr broă lơh dờng màng tàm broă lơh jăt broă lơh:

-Broă lơh geh niam ngan tàm broă lơh jăt broă tơm priă sền gàr tiah kis brê bơnơm càr Kon Tum tàm nam 2019 là neh pờ ơnàng broă tă priă sền gàr tiah kis brê bơnơm gơwèt mờ ală hìu lơh sa mờ măi mo\k geh ngui dà bơh dà drơng broă lơh sa mờ măk mo\k neh hòi jà tai geh priă tàm broă sền gàr tiah kis brê bơnơm càr dê kờ` sền gàr brê.

Dơ\ 2 là broă pờ geh sồ tài khoản mờ tơm priă sền gàr tiah kis brê bơnơm ai làng bol in bơh tàm sồ tài khoản ngân hàng geh di tu\, ndrờm bal, tềm pềr tơngai mờ priă tă, gàr niam broă ờ ngui priă ngan, niam ờ do dă tàm broă tơm priă mờ di pal mờ ală kơrnoăt geh ai tu\ do.

Tàm nam 2019, kes priă sền gàr mờ tơnguh bơtàu brê càr Kon Tum neh ai mpồl tơm priă cấp kơnhoàl in tơm priă sền gàr tiah kis brê bơnơm nam 2018 ai rơlao 3 rơbô 500 hìu mờ 34 [òn kờp jơh khà priă mờr 34 tơmàn ai broă atbồ, sền gàr rơlao 44 rơbô 500 lồ brê dà lơgar jào. Geh priă tàm rài kis pah nam tơl hìu di pơgăp rơlao 8 tơlăk 700 rơbô priă; tơl [òn làng bol geh rơlao 88 tơlăk priă.

Gơwèt mờ ală mpồl tòm sền gàr brê là mpồl lơh broă bal mờ UBND ală xã, thị trấn neh jào atbồ, sền gàr brê ai rơlao 1 rơbô 555 hìu, cau 1 nă să; 192 mpồl hìu; 336 mpồl [òn mờ 5 mpồl lơ broă kờp jơh bă ù rơlao 156 rơbô lồ. Kờp jơh khà priă geh bơh broă sền gàr tiah kis brê bơnơm geh tơm mờr 96 tơmàn priă.

Priă geh tàm rài kis tơl hìu geh dờp sền gàr rơlao 13 tơlăk priă tàm 1 nam; mpồl [òn geh dờp di pơgăp 160 tơlăk priă tàm 1 nam; mpồl hìu geh di pơgăp 98 tơlăk priă tàm 1 nam mờ mpồl lơh broă geh di pơgăp 500 tơlăk priă tàm 1 nam. Do là priă geh uă đao pơn drờm mờ priă geh bơh ală hìu nhă kis tàm brê mờ rềp mờ brê làng bol kòn cau dê.

Lo\ Y On, kis tàm [òn Kon Plông, xã Hiếu, kơnhoàl Kon Plông pà g^t, kơnờm geh priă bơh broă dờp atbồ, sền gàr rơlao 900 lồ brê, làng bol tàm [òn neh geh kơnòl mờ brê mờ sền gàr brê ngai sơlơ niam rơlao:

-Làng bol neh g^t tàm broă atbồ is, sền gàr brê niam kờ` geh tai priă tàm rài kis. Ală hìu tus bal atbồ mờ sền gàr brê den ờ geh hìu lơi tìs tàm broă mus brê lơh mìr.

Bal mờ uă broă lơh, lơh geh cồng nha, tàm nam 2019, kes priă sền gàr mờ tơnguh bơtàu brê càr Kon Tum neh bơyai lơh 59 dơ\ pơrjum lam sồr bè broă tơm priă sền gàr tiah kis brê bơnơm pơgồp bal mờ broă atbồ, sền gàr brê mờ di pơgăp 5 rơbô 700 nă cau tus bal; lơh jăt broă lam sồr lòt bal mờ oh lòt bơsram lài mờ nam bơsram pa 2019, kes priă do neh l^p tơngu me lam sồr broă tơm priă sền gàr tiah kis brê bơnơm tềng ngkàr 400 rơbô pang sră cih mờ 5 rơbô nơm sơgơn ai kơnòm bơsram ală hìu bơsram tàm tiah geh ngui broă drơng ala tiah kis brê bơnơm; bơyai lơh 4 dơ\ pơrjum bơto sồr lơh jăt Nghị định sồ 156 ngai 16 nhai 11 nam 2018 bơh Chính phủ ai ală mpồl tòm brê là mpồl lơh broă, UBND ală xã, thị trấn geh Dà lơgar jào kơnòl atbồ, sền gàr brê.

Ồng Nguyễn Thất, Phó Chủ tịch UBND xã Đăk Ang, kơnhoàl Ngọc Hồi pà g^t bè cồng nha bơh broă tus bal ală pơrjum bơto bè do:

-Broă bơyai lơh pơrjum bơto do kờ` oh mi in g^t bă ù brê tàm xã, hơ\ sồng broă atbồ mờ sền gàr. G^t ală bă brê loiơ tơl bơta niam kờ` geh ngui broă drơng ala tiah kis brê. Bă ù lơi mờ làng bol neh geh sồr atbồ sền gàr mơya tài làng bol lơh mìr tàm hơ\ mờ ờ geh niam den kung sơbì.

Hơ\ sồng dơ\ bàr tai geh bơto bè broă atbồ priă bơh broă sền gàr tiah kis brê ai oh mi lơh broă atbồ gah priă jền mờ kuang bàng đơng lam in [uơn rơlao, g^t ală bơta tàm broă tơm priă ờ gơtìp tìs jăt mờ kơrnoăt geh ai.

Broă càr Kon Tum pơn jăt tai lơh jăk niam broă tơm priă sền gàr tiah kis brê bơnơm tàm nam 2019 neh geh lơh niam ngan tus mờ broă atbồ sền gàr mờ tơnguh bơtàu brê càr do dê.

Bal mờ broă hòi jà geh broă tus bal bơh gùt mpồl bơtiàn tàm broă atbồ sền gàr brê, rơhòi lơh jăt niam gùng dà broă lơh gùt mpồl bơtiàn tus bal mờ broă lơh brê bơnơm, broă lơh do neh pơgồp bal tàm broă tơnguh uă rài kis ai g^t nđờ rơbô nă cau lơh broă mờ brê in, tàm hơ\ uă ngan là mpồl bơtiàn [òn lơgar mờ tàm tiah sar lơgar ngài, tiah làng bol kòn cau.

      Cau mblàng Ndong Brawl