VOV4.K’ho- Lơh jat tơn tềng đap nam bơsram pa, lơh sùm tàm 4 nam do, Broă lơh mblàng yal “ Bal mờ oh lòt bơsram” bơh kes priă sền gàr mờ Bơtàu tơnguh brê càr Kon Tum bơyai lơh neh cèng wơl cồng nha ngan ngồn ngan. Bal mờ broă pơn jờng, pơn dờm pơn điang nùs nhơm ală kơnòm bơsram in tềng đap nam bơsram pa, Broă lơh kung pơgồp bơnah tơnguh bơta g^t wă bơh ală kơnòm dê tàm broă sền gàr brê mờ lơh jat broă lơh tă tơm priă sền gàr brê.

Hơ\ là ală jơnau ntas chờ hờp hô hâng cèng uă bơta kuơ bơh rlau 600 nă kơnòm bơsram hìu bơsram kấp bàr Phan Đình Phùng, xã Hơ Moong, kơnhoàl Sa Thầy tus bal Broă lơh mblàng yal “ Bal mờ oh lòt bơsram” bơh Kes priă sền gàr mờ Bơtàu tơnguh brê càr Kon Tum bơyai lơh tềng đap nam bơsram pa 2019- 2020. Tus bal Broă lơh do, tơl nă kơnòm bơsram geh dong kờl bơh 5 tus 8 pang sră cih, mơkung sền g^t uă broă lơh gơ kờ`, bè: jòi g^t bè bơta kuơ màng bơh brê bơnơm dê; cồng nha lơh jat broă lơh tă tơm priă sền gàr brê; wac sềr  rùp tơngo\ bè nùs nhơm bơh he dê tềng đap bơta sền gàr, bơtàu tơnguh brê…

Chờ hờp ngan tài bơh geh tus bal Broă lơh do, oh Nguyễn Thị Minh Nguyệt, kơnòm bơsram ơdu\ 9A, pà g^t jơnau kơlôi bơh he dê bè do.

Broă lơh là kuơ màng ngan. Sau geh dùl dơ\ nhơl ngoại khoá là geh kuơ ngan. Bơh broă lơh do sau geh pà sră cih, pà sơgơn. Sau gơ lơh g^t wă rlau tai bè broă sền gàr brê mờ g^t wă rlau tai bơta kuơ màng bơh brê dê. Brê kuơ màng uă ngan gơ wèt mờ rài kis bơh he dê den pal sơm bat tê bal sền gàr brê.

                                    Yal jơnau tơng^t sền gàr brê geh l^p tàm sră cih 

Geh bal jơnau kơlôi sơnơng tơnơ\ tu\ tus bal Broă lơh mblàng yal “Bal mờ oh lòt bơsram”, oh Nguyễn Thị Kim Oanh, bơsram ơdu\ 9A, Hìu bơsram kấp bàr Nguyễn Du, xã Diên Bình, kơnhoàl Đăk Tô,  đơs bè do.

Broă lơh do kuơ màng uă ngan. Mờ sau go\ là broă lơh do geh dong bol sau tơnguh uă bơta g^t wă bè broă sền gàr brê, tài bơh brê là klờm soh tơlir bơh jơi bơtìan dê. Sền gàr brê kung là sền gàr is rài kis bol he dê sơl. Sơm bat tê bal nàng sền gàr brê, tam te\ uă chi che  tàm hìu bơsram, sơng ka sền gàr uă chi che nàng tiah ơm kis in ngai sơlơ tơlir, kloh niam mờ hàng bơne\.

Broă lơh mblàng yal “Bal mờ oh lòt bơsram” nam do geh Kes priă sền gàr mờ Bơtàu tơnguh brê càr Kon Tum bơyai lơh tàm 190 hìu bơsram kấp dùl mờ hìu bơsram kấp bàr bơh 75 xã, thị trấn geh lơh jat broă lơh tă tơm priă sền gàr brê.

Klau pơgru Lê Văn Hào, Hiệu trường Hìu bơsram kấp bàr Phan Đình Phùng, xã Hơ Moong, kơnhoàl Sa Thầy pà g^t, mờ rlau 86% kơnòm bơsram tàm hìu bơsram dê là oh kòn làng bol kòn cau geh rài kis hìu bơnhă gam uă ngan kal ke, Broă lơh mblàng yal “Bal mờ oh lòt bơsram” bơh Kes priă sền gàr mờ Bơtàu tơnguh brê càr Kon Tum dê bơyai lơh tàm bồ nam bơsram pa cèng uă ngan bơta kuơ.

 Gơ wèt mờ ală kơnòm bơsram làng bol kòn cau bè hìu bơsram bol a` dê, rài kis lơh sa gam uă ngan kal ke, ală kơnòm geh dong kờl bơh Broă lơh “ Bal mờ oh lòt bơsram” do là tơrmù [à dùl bơnah kal ke mờ dong ală oh geh tơl bơta nàng tus hìu bơsram tàm ală ngai sơn rờp bơh nam bơsram pa dê. Bơh jơnau yal tơng^t geh l^p tàm pang sră cih den ală dơ\ bơsram halà ală mang sền sră ală kơnòm sền go\ jơnau yal hơ\. Ală kơnòm sền mờ g^t wă bơta kuơ màng bơh jơnau yal hơ\, ală kơnòm geh kơnòl sền gàr brê rlau tai. Ală oh geh gơ gơs là dùl nă cau mblàng yal nàng mblàng yal tus mờ làng hìu bơnhă he dê mờ mpồl bơtìan.

                                                Pà sră cih ai ală kơnòm bơsram in  

Sùm 4 nam geh Kes priă sền gàr mờ Bơtàu tơnguh brê càr Kon Tum pơgồp bal mờ mpồl broă lơh mblàng “Bal mờ oh lòt bơsram” ală kơnòm bơsram tềng đap nam bơsram pa, ùr pơgru Hoàng Thị Thanh Hải, Hiệu trưởng hìu bơsram kấp bàr Nguyễn Du, xã Diên Bình, kơnhoàl Đăk Tô, pà g^t:

Broă lơh bơh Kes priă sền gàr mờ Bơtàu tơnguh brê geh dùl jơnau kuơ màng uă ngan gơ wèt jơh mờ ală kơnòm bơsram bồ nam bơsram pa. Mờ kuơ màng ngan rlau jơh mờ kơnòm bơsram hìu bơnhă r[ah, kơnòm bơsram làng bol kòn cau. Tơrmù [à bơta kơn jơ\ kơn ju\t ai jơh ală kơnòm bơsram mờ hìu bơnhă in tu\ mut tàm nam bơsram pa. Mờ ală pang sră cih bơh kes priă sền gàr mờ Bơtàu tơnguh brê dê jàu pà ai jơh ală kơnòm bơsram in geh l^p ală LOGO mblàng yal bè brê, ală kơnòm g^t wă rlau tai bè bơta kuơ bơh brê cèng wơl. Bơh hơ\ ală kơnòm là ală cau mblàng yal tàm broă sền gàr mờ bơtàu tơnguh brê tàm [òn lơgar he ơm.

Tàm Broă lơh mblàng yal “Bal mờ oh lòt bơsram” tềng đap nam bơsram pa 2019- 2020, kờp jơh Kes priă sền gàr mờ Bơtàu tơnguh brê càr Kon Tum neh jàu pà ai rlau 66 rơbô nă kơnòm bơsram kấp dùl mờ kấp bàr in rlau 400 rơbô pang sră cih. Bơdìh mờ hơ\, tàm 10 hìu bơsram Broă lơh gam pà 5 rơbô nơm sơgơn biài ai ală kơnòm in. Jờng rơ uă ngan bè cồng nha bơh Broă lơh do dê, ồng Thái Ngọc Châu, Phó Chủ tịch UBND xã Diên Bình, kơnhoàl Đăk Tô  pà g^t:

Tu\ do, tàm ù tiah xã Diên Bình geh 217 lồ brê, tàm hơ\ geh 57 lồ là brê geh tă tơm priă sền gàr brê. Kes priă sền gàr mờ Bơtàu tơnguh brê càr Kon Tum bơyai lơh broă lơh mblàng yal “ Bal mờ oh lòt bơsram nam 2019” gơ wèt mờ ală tiah do Broă lơh geh là ngan ngồn ngan. Tài bơh tàm ù tiah xã dê broă bơtàu tơnguh lơh sa gam bàr pe thôn kơnòm bơsram gam ờ tơl sră cih lòt bơsram. Broă lơh do geh gơ jat niam ngan tàm broă pơn jờng, pơn dờm pơn điang nùs nhơm bơsram sră ală kơnòm bơsram in. Broă mblàng yal sền gàr mờ bơtàu tơnguh brê tơnguh tai bơta g^t wă ală kơnòm in. Ală kơnòm là mpồl mblàng yal niam ngan rlau jơh mờ hìu bơnhă, mờ mpồl bơtìan tiah ală kơnòm ơm kis geh pơgồp bơnah sền gàr brê niam rlau tai tàm ù tiah xã dê tàm tơngai tus.

Cau mblàng K’ Hạnh