VOV4.K’ho – Geh dờp priă tơm sền gàr brê, 4 nam do, 50 mpồl hìu bơnhă, [òn làng bol ơm kis tàm 5 xã bơh kơnhòal Đăk Glei, càr Kon Tum dê neh jơh nùs ngan pơ gồp bal mờ mpồl lơh broă geh gơnoar chồl pràn broă lơh lòt sền, sền gàr mờr 23 rbô lồ brê geh is tàm tiah sền gàr brê bơnơm Ngọc Linh. Kờ nờm bơh hơ\ mờ khà dơ\ kơl mus brê lơh mìr, lơh tìs adat sền gàr brê, koh kơl dơm chi tìs mờ adat boh lam neh gơmù ua\ ngan jat pah nam, bă brê geh sền gàr kơ\.

Ồng A Điêng, ơm tàm [òn Đăk Glây, xã Đăk Choong, kơnhòal Đăk Glei bal mờ 185 hìu bơnhă ndai tàm thôn dờp sền gròi, atbồ, sền gàr 1 rbô 100 lồ brê geh is tàm tiah sền gàr brê bơnơm Ngọc Linh bơh lồi nam 2015. Ồng A Điêng pà git, tơl lồ, ală hìu bơnhă geh dờp bơh 400 tus 420 rbô priă tàm 1 nam priă tơm sền gàr brê. Bơh bơnah priă do, rài kis làng bol dê geh tơnguh niam ngan. Tu\ rài kis geh gàr tơl niam den kơ nòl atbồ sền gàr brê kung geh tơnguh sơl: “Bol a` geh 6 mpồl, tơl mpồl geh 10 nă cau tàm pơdar mờ gơp lòt sền, sền gàr brê. Ală bă brê rềp nhàr mờ brê lơh sa den làng bol sùm kơl mus nàng sơ gràm ù tam phan, den bol a` tus mblàng yal, lam sồr, geh tu\ là pơhìn nàng làng bol ờ kơl mus brê tai. Bơh hơ\ bă brê sùm geh sền gàr”.

Ndrờm bè hơ\ sơl, ồng A Thên, ơm tàm [òn Đông Lốc, xã Đăk Man, kơnhòal Đăk Glei bal mờ 129 hìu bơnhă ndai tàm thôn kung dờp sền gàr rlau 400 lồ brê geh is tàm tiah sền gàr brê bơnơm Ngọc Linh. Ồng A Thên pà git, ală nam lài, tiah do sùm gơtìp ală bol blơ\ tus kơl mus dơm chi tìs mờ adat boh lam. Nàng kờ` kơryan, ală cau tàm thôn pal sồr cau ơm sền, mơkung tus tơl hìu nàng lam sồr làng bol ờ go\ di kơl mus brê: “Tềng lơi geh uă bơta kơl mus brê, sền go\ geh cau kơm jus brê den làng bol tam jà gơp mut tus tềng hơ\ nàng jòi kup. Tu\ sền go\ den hòi điện thoại mpồl atbồ sền gàr brê, kiểm lâm in nàng pơ gồp bal kup, kơryan broă kơl mus. Bal mờ hơ\ den bol a` kung tus ală hìu bơnhă mờng mut tàm brê nàng ting mòc phan brê, kơl dơm chi nàng mblàng yal là, do là tiah brê mờ làng bol neh dờp sền gàr, dilah mut kơl mus den làng bol gơtìp kup priă. Brê jàu sền gàr là brê làng bol dê, dilah mut kơl mus den lơh aniai tus broă lơh sa làng bol dê”.

Tiah sền gàr brê bơnơm Ngọc Linh ơnàng rlau 39 rbô lồ; tàm hơ\, bă tiah geh sền gàr kơ\ là 31 rbô lồ; bă tiah kờ` lơh niam wơl tiah kis brê bơnơm mờr 7 rbô 800 lồ; mờr 134 lồ là bă brê hành chính, broă drơng ala mờ nhơl chờ. Jơh bă brê do gơ ơm tàm 5 xã bơh kơnhòal Đăk Glei dê, geh: xã Xốp, Đăk Choong, Đăk Man, Mường Hoong mờ Ngọc Linh.

Bơh nam 2015 tus tu\ do, Mpồl atbồ tiah sền gàr brê bơnơm Ngọc Linh neh jàu sền gàr mờr 23 rbô lồ brê geh is ai 50 mpồl hìu bơnhă in, mờ 5 rbô 500 hìu bơnhă tus bal dờp sền gàr. Pah nam, bơh priă jền bơh kes priă sền gàr mờ bơtàu tơnguh brê càr Kon Tum dê, mpồl neh tơm hìu bơnhă dờp sền gàr in rlau 8 tơmàn priă drơng broă sền gàr brê.

Ồng Phan Ngọc Tiến – Phó kuang atbồ mpồl atbồ tiah sền gàr brê bơnơm Ngọc Linh pà git, broă jàu sền gàr mờ tơm priă sền gàr brê làng bol in neh lơh kơ nòl broă bơh làng bol dê geh tơnguh rlau, broă lơh sền gàr brê geh lam lơh jơh nùs ngan: “Tàm broă lơh atbồ, sền gàr brê tu\ brê geh jàu sền gàr ai ală hìu bơnhă, [òn làng bol ơm kis in den bol a` geh broă rơndap lơh nàng tam pà kơ nòl ai tơl hìu bơnhă in mùl màl jat pah nhai, pah quý nàng lòt sền, sền gàr brê tàm ală tiểu khu geh sồr sền gàr. Bơh tu\ làng bol tus bal broă do den brê geh sền gàr, ală broă lơh tìs bè kơl mus brê gơmù jat tơl nam. Bă brê sùm geh sền gàr kơ\”.

Gơtùi đơs ngan, broă jàu sền gàr brê tàm tiah sền gàr brê bơnơm Ngọc Linh ai [òn làng bol ơm kis in atbồ mờ sền gàr là gùng dà, broă lơh di ngan bơh càr Kon Tum dê kung bè bơh Đảng mờ dà lơgar dê. Broă geh dờp priă tơm sền gàr brê, làng bol kòn cau tiah do neh pơ gồp kơ nòl he dê mờ broă sền gàr brê jat mờ nùs nhơm uă ngan rlau jơh. Ală bă brê dờng ơning ơnàng tàm bơnơm Ngọc Linh ngai sơlơ geh sền gàr kơ\ mờ gơs tơlir niam ngan.

Cau mblàng K’Duẩn