VOV4.K’ho - Kờ` dong kờl ală hìu bơsram geh ngui ồs đèng kloh pơgồp bal tàm broă tơmù khà priă tă ngui ồs đèng.

Tổng công ty điện lực miền trung neh lơh jăt broă crăp broă lơh ồs đèng măt tơngai hờ đang rơkàng hìu tàm hìu bơsram cấp 1 Nguyễn Văn Trỗi, xã Thuận An, kơnhoàl Dak Mil, càr Dak Nông. Bơdìh hơ\ tai, gah lơh ồs đèng gam chồl pràn broă lam sồr mờ bơto sồr làng bol, anih lơh sa kă bro bơcri priă lơh ồs đèng măt tơngai do.

Mò Bùi Thị Thuỷ, kuang atbồ hìu bơsram cấp 1 Nguyễn Văn Trỗi, xã Thuận An, kơnhoàl Dak Mil pà g^t, mu\ tàm tơl nam bơsram, pah nhai hìu bơsram pal tă mờr 1 tơlăk priă ngui ồs đèng.

Broă lơh ồs đèng măt tơngai hờ đang rơkàng hìu tàm hìu bơsram cấp 1 Nguyễn Văn Trỗi

Bơh bồ nam 2019, broă lơh ồs đèng măt tơngai hờ đang rơkàng hìu bơsram geh lơh, priă ồs đèng neh gơmù uă ngan, mìng gam di pơgăp 300 rơbô priă pah nhai. Bal mờ broă gơmù priă tă ồs đèng, ồs đèng gam geh tơl niam rơlao. Jăt mò Thuỷ yal, 700 nă kuang bàng, cau pơgru bal mờ kơnòm bơsram tàm hìu bơsram tu\ do ờ gam ngòt ồs đèng ờ pràn bè lài do tai.

-Lài do, bol a` ngui ồs đèng dà lơgar den tài khà kơnòm bơsram bal mờ ală ơdu\ bơsram tàm hìu bơsram geh uă, den tàng ồs đèng ờ tơl pràn mờ gơtìp koh is cầu dao, den tàng ồs đèng ờ geh tơl niam.

Bơh nhai 1 nam 2019, tu\ geh dong kờl lơh den ồs đèng tàm hìu bơsram, tàm ală ơdu\ bơsram geh ring niam rơlao. Tu\ geh dong kờl lơh bè do, den ồs đèng bol a` ngui gơmù priă tă, ờ hoan gơtìp hoàc huơr uă ngan. Bơdìh hơ\ tai, tơnơ\ mờ tu\ ngui ờ jơh, khà ồs đèng geh tơrgùm rê wơl, tăc wơl mờ gùng che ồs đèng dà lơgar, bol a` geh tai priă ai hìu bơsram in drơng tàm broă bơto mờ bơsram.

Broă lơh ồs đèng măt tơngai hờ đang rơkàng hìu bơsram cấp 1 Nguyễn Văn Trỗi, geh Công ty Điện lực Dak Nông pơgồp bal mờ anih lơh phan was điện tử Điện lực miền trung lơh bal, geh bơta pràn 4,32 kWp, kờp jơh khà priă bơcri 120 tơlăk priă, mờ neh di pal mờ broă kờ` geh ồs đèng àng ai 700 nă kơnòm bơsram bal mờ cau pơgru in, den tàng neh gơs broă lơh lam lài hòi jà geh tai uă hìu làng bol lơh.

Ồng Phạm Văn Nên, kis tàm [òn 10B, xã Dak Lao, kơnhoàl Dak Mil kung là hìu pa geh crăp broă lơh ồs đèng măt tơngai hờ đang rơkàng hìu, mờ kờp jơh priă tă geh 150 tơlăk priă.

Ồng Nên pà g^t, tài hìu nhă kă bro lơh hìu năc ơm mờ 6 jơdu\, bal mờ rài kis broă lơh hìu nhă dê tai, den tàng pah nhai priă ồs đèng pal tă rơlao 3 tơlăk priă. Bơh broă kơlôi sơnơng bè broă lơh ồs đèng măt tơngai do, ồng Nên go\ là, ồs đèng măt tơngai lơh hờ đang rơkàng hìu là ồs đèng niam, ờ gơtìp aniai tus mờ tiah kis, bơta niam ờ do ờ dă ờ geh bơta lơi, den tàng hìu nhă lơh ngan crăp, lài ngan pà go\ geh cồng nha niam.

-A` neh tă priă lơh 1 broă lơh ồs đèng 5 k^ ồs đèng măt tơngai hờ đang rơkàng hìu, lài ngan là drơng tàm broă ngui hìu nhă tòm mờ tơmù khà ồs đèng pah nhai hìu nhă dê, bol a` kung rơ\p crăp rơlao 1 nhai do, bơh broă sền gròi di lah trồ tơngai bè ờs pah ngai bơh 8 tus 10 jơ den di gơlan lơh geh bơh 20 tus 25 k^ ồs đèng, geh tu\ rơlao, den tàng geh gơmù 2 bơnah 3 khà priă tă ngui ồs đèng pah nhai, di lah ngui ờ jơh den a` geh pơgồp bal mờ gùng che ồs đèng dà lơgar dê.

Ồng Nguyễn Xuân Huy, kuang atbồ Điện lực Dak Mil, càr Dak Nông pà g^t, tơngai do Điện lực Dak Mil neh lam sồr làng bol bal mờ anih lơh sa kă bro bơcri priă crăp ồs đèng măt tơngai hờ đang rơkàng hìu kờ` ngui.

Cồng nha bơh bồ nam tus tu\ do neh geh 4 broă lơh bơh anih lơh sa kă bro dê pơgồp bal mờ gùng che ồs đèng dà lơgar mờ rơlao 10 broă lơh gam sền gròi kờ` crăp cau in. Ală broă lơh làng bol bơcri priă lơh, ngui geh cồng nha niam.

-Gah ồs đèng neh tơrgùm lam sồr ală hìu làng bol, ală anih lơh sa kă bro bơcri priă lơh ồs đèng măt tơngai hờ đang rơkàng hìu. Tu\ do, tàm ală tiah kơnhoàl Dak Mil atồ den tổng công ty neh bơcri priă mờ dong kờl lơh hìu bơsram Nguyễn Văn Trỗi, rơndăp broă lơh do geh ai ngui bơh nam lài tus tu\ do geh cồng nha niam.

Ală anih lơh sa kă bro bal mờ ală hìu làng bol neh lơh ồs đèng măt tơngai do uă ngan, kuơ màng tàm ală tiah geh măt tơngai sòl kung bè bức xạ niam bè Dak La, Dak Ghềnh. Ală rơndăp broă lơh do neh geh ngui pràn di pơgăp 10 Mê tàm tiah bal mờ 6 broă lơh ală hìu làng bol neh ngui ồs đèng tàm hìu mờ k^ lơh broă bal mờ công ty.

Jăt ồng Nguyễn Xuân Huy, kuang atbồ Điện lực Dak Mil yal, đah lơh broă do geh pơn jăt tai lam sồr, yal tus mờ làng bol bè ală cơ chế lơh broă kờ` lam sồr bơcri priă lơh, tơnguh bơtàu ồs đèng măt tơngai hờ đang rơkàng hìu kờ` làng bol ngui, pơgồp bal tàm broă tơnguh bơtàu ồs đèng kloh niam do. Bơdìh hơ\ tai, gah lơh ồs đèng kung hòi jà ală anih lơh sa kă bro kờl bơcri tàm broă crăp ồs đèng măt tơngai ai ală hìu bơsram tàm tiah sar lơgar ngài in.

Cau mblàng Ndong Brawl