VOV4.K’ho – Drim òr (26/9), tàm [òn dờng Huế, càr Thừa Thiên Huế, Văn phòng Quốc hội bơyai lơh pơrjum “2, 3 broă bè broă lơh sa mpồl bơtìan lơgar Việt Nam nam 2019”. Pơrjum do nàng kờ` yal jơnau kờ` git nàng ală anih lơh broă, kuang bàng Quốc hội in cribơyai bè broă lơh sa – mpồl bơtìan nam 2019. Pơrjum tơr gùm cribơyai 4 tơngume, geh: Sền bal bè broă lơh sa Việt Nam nam 2019 mờ ală bơta gơ rềng bơh 2, 3 Hiệp định kă bro; 2, 3 broă geh sền gròi uă bè broă lơh sa Việt Nam nam 2019; 2, 3 broă niam chài – mpồl bơtìan geh pơn rơ tàm lơgar Việt Nam nam 2019; 2, 3 jơnau đơs lài mờ jơnau dan, jơnau sồr bè bơtàu tơnguh lơh sa – mpồl bơtìan Việt Nam nam 2020.

Ală nhai bồ nam 2019, gơguh lơh sa lơgar he dê gơmù tàm jơh ală gah pơn drờm mờ ală nhai bồ nam 2018. 2, 3 nă cau niam chài đơs là, nàng rài lơh sa bơtàu tơnguh kơ\ kơljap, tàm tơngai tus pal tơr gùm bơsong ală bơta kòl yan tàm broă bơtàu tơnguh.

Cau mblàng K’Duẩn