VOV4.K’ho – Drim ngai 26/3, tàm Hà Nội geh lơh cribơyai pờ tơlik tơn tàm internet đah Bí thư dơ\ 1 Đoàn Ơruh pơnu Cộng sản Hồ Chí Minh dà lơgar, bi Lê Quốc Phong mờ đoàn viên ơruh pơnu tàm gùt lơgar. Bi Lê Quốc Phong đơs là, sơn đờm mut lơh broă là dùl tàm ală broă lơh pơgồp bơnah tàm bơta chồl pràn bơh rài lơh sa dà lơgar dê. Đoàn dà lơgar sền do là tơngume tờm he dê.

Bơh nhai 5 nam 2016, Đoàn dà lơgar neh lam lơh broă lơh tàm gùt lơgar, mờ ua\ broă lơh gơ rềng tus sơn đờm mut lơh broă ai ơruh pơnu in, tàm hơ\ ua\ tơngume gơ jat bal mờ 3 mpồl cau mùl màl là: Cau bơsram dờng tàm hìu bơsram đại học, ơruh pơnu sơn đờm mut lơh broă tàm tiah [òn lơgar, cau lơh sa kă bro kơ nòm să.

Yal bè broă lơh lơh gơlik anih, bơta niam mờ dong kờl nàng ơruh pơnu kuet kơlte in geh lơh ngan ngồn bơta kơp kờ` he dê mờ tă pơgồp dà lơgar in, bi Lê Quốc Phong đơs nền: Mpồl tam klac ơruh pơnu dà lơgar Việt Nam neh geh ală mpồl ơruh pơnu kuet kơlte nàng ală bơ yô in tam pà bal ală jơnau kờ` mờ dong kờl bal mờ gơp nàng bơtàu tơnguh bal, dong kờl broă lơh nàng ơruh pơnu kuet kơlte in brồ guh tàm rài kis.

Cau mblàng K’Duẩn