VOV4.K’ho- Drim òr 8/8 tàm Hà Nội, Văn phòng Quốc hội mờ Anih lơh broă Lơh broă bal Dunia lơgar Nhờk (JICA) bơyai lơh Cribơyai “Sră băo bal mờ broă lơh bơh kuang bàng Quốc hội dê”. Ală kuang bàng đơs: Tàm ală dơ\ pơrjum Quốc hội, yal tơngi\t sră băo sùm gơhòi gơ jà bơta sền gròi uă ngan bơh mpồl bơtiàn dê. Jơnau đơs bơh ală kuang bàng Quốc hội dê geh sền gròi, jat sền, mblàng sền swì, tàm pơndang tàm tơl gah krơi is.

Sră băo geh kơnòl, jrô ơnàng ngan, kuang bàng tơl nùs nhơm niam bồ tơngoh jak, lơh broă jơh nùs song dơ pă neh lơh gơlik bơta gơ rề tàm mpồl bơtiàn. Uă jơnau đơs tàm dơ\ cribơyai tơrgùm tàm broă lơh mblàng yal internet mpồl bơtiàn bơh Kuang bàng Quốc hội dê; gơnoar broă mờ bơta gơrềng bơh internet mpồl bơtiàn dê gơ wèt mờ broă lơh bơh kuang bàng Quốc hội dê. Ală kuang bàng Quốc hội pal jòi bơta tàm pơndrờm bơh internet dê, sền swì jơnau đơs bơh mpồl bơtiàn dê gơ wèt mờ jơnau yal tơngi\t.

Cau mblàng Lơ Mu K’Yến