VOV4.K’ho – UBND càr Dak Nông pa geh Kơrnuat crơng gơs tiah lơh sa suơn sre ngui công nghệ cao ơnàng 120 lồ tàm thôn Nam Rạ, xã Dak Nia, thị xã Gia Nghĩa.

Tiah lơh sa suơn sre ngui công nghệ cao geh ală kơnòl lam lơh ală broă lơh kơlôi sơnơng mut ngui, lơh tơr lòng lài, ràng tơlik broă lơh gơlik phan bơna lơh sa suơn sre ngui công nghệ cao; tam klac bal ală broă lơh kơlôi sơnơng, mut ngui, lơh gơlik phan bơna ngui công nghệ cao tàm gah lơh sa suơn sre; bơto bơtê cau lơh broă; lơh drà, ràng tơlik, gơ hòi gơ jà bơcri priă, cau lơh broă công nghệ cao tàm broă lơh gơlik phan tàm gah lơh sa suơn sre.

Sở Nông nghiệp mờ Phát triển nông thôn atbồ mờ geh kơnòl đơng lam broă bơcri priă bơt bơtàu mờ lam lơh atbồ dà lơgar gơ wèt tus mờ tiah lơh sa suơn sre ngui công nghệ cao càr dê.

Cau mblàng K’Duẩn