VOV4.K’ho- Trồ prang dờng soăt dà gơbàn kal ke ngan tàm Tây Nguyên tàm ală nam rềp ndo, ờ mìng lơh gơrềng uă ngan tus rài kis lơh broă sa sươn sre bơh làng bol dê mờ lơh gơrềng bal tus mờ ală hìu măy pờ tơlik ồs đèng sơl. Uă hìu măy pờ tơlik ồs đèng neh ơm te\ ờ lơh broă tai, bàr pe hìu măy pờ tơlik ồs đèng ndai den lơh broă jăt bè tu\ lơh tu\ ơm.

Tàm hiòng dà dờng Ba- là hiòng dà dờng ngan rlau jơh Tây Nguyên, tơnau dơng dà hìu măy pờ tơlik ồs đèng Kang-Nak, càr Gia Lai dê tus bồ nhai 3 do mìng gam pơgăp 40 tơlak khối dà lơm, hơ\ là mìng 11% dà geh tàm tơnau jăt broă rơndăp lơh.

Ồng Đặng Văn Tuần, Kuang ătbồ Công ty Hìu măy pờ tơlik ồs đèng An Khê- Kang Nak pà gi\t, tu\ do jơh bal 2 hìu măy pờ tơlik ồs đèng ndrờm tơrgùm ai lài dà ai lơh broă sa sươn sre mờ broă ơm kis tàm tiah đah đơm in, cồng nha lơh gơlik ồs đèng ndrờm bè ờ go\ kơlôi tus tai.

Hìu măy pờ tơlik ồs đèng An Khê neh ơm ờ pờ đèng tai bơh lồi nam 2019, mìng lơh broă tàm bàr pe tu\ tơngai lơm nàng geh dà dong kờl trồ prang soăt dà ai kơnhoàl Tây Sơn, càr Bình Định in. Ai Hìu măy pờ tơlik ồs đèng Kang- Nak den lơh broă tu\ lơh tu\ ờ drơng jơnau kờ`, lơh sa, ơm kis bơh làng bol càr Gia Lai dê.

Den tàng bè hơ\, bơh bồ nam tus ngai 6/3 pa do, kờp jơh đèng bơh ală hìu măy pờ tơlik ồs đèng An Khê- Kang Nak dê lơh gơlik mìng lơh geh pơgăp 4 tơlak kilo oat jiơ lơm, ndrờm mờ dùl ngai pờ đèng tàm kàl mìu.

Tài bơh dà mìu ờ tơl den tàng công ty ờ huan pờ đèng mờ tơrgùm dơng dà bơh tơnau dà Kang Nak dê nàng drơng broă sơndră mờ trồ prang soăt dà kung bè drơng jơnau kờ` dà lơh broă sa, dà ngui sa bơh tiah do dê. Tu\ do, công ty công kung gam lơh jăt sơl ală broă lơh pờ ală tơnau dơng dà bơh Thủ tướng Chính phủ dê, tam pà dà mờ dà dipal nàng gàr niam ai broă ngui dà tềm pềr ngan rlau jơh in.

Tơnau dơng dà Kang Nak neh mờr soăt jơh dà

Kung ndrờm bè tàm dà dờng Ba sơl, ală hìu măy pờ tơlik ồs đèng tàm hiòng dà dờng Srepok- là hiòng dà dờng dờng dơ\ 2 tàm tiah Tây Nguyên, hòr gan 2 càr Dăk Lăk mờ Dăk Nông, kung gam kong gơrềng uă ngan tài bơh ờ tơl dà.

Ồng Nguyễn Đức, Phó Kuang ătbồ Công ty Hìu măy pờ tơlik ồs đèng Buôn Kuốp, do là công ty ătbồ mpồl 3 broă lơh hìu măy pờ tơlik ồs đèng dờng ngan rlau jơh tàm hiòng dà dờng Srepok là Hìu măy pờ tơlik ồs đèng Buôn Tua Srah, Hìu măy pờ tơlik ồs đèng Buôn Kuốp mờ Hìu măy pờ tơlik ồs đèng Srepok 3, pà gi\t: đèng lơh gơlik bơh rlau 2 nhai bồ nam do mìng geh 225 tơlak kilo oat jiơ lơm, ờ hềt ndrờm mờ 1 nhai bồ nam lài dê.

Tài bơh dà gơ hòr rê tus hờ tơnau dơng dà tam pà dà Buôn Tua Srah ơm tàm tiah bồ tô in mìng pơgăp 20 khối tàm dùl giây lơm, jơh bal 3 hìu măy pờ tơlik ồs đèng ndrờm lơh broă tu\ ờ tu\ lơh bơh lồi nam 2019. Mơya, pơđơl pràn ngan công ty kung mìng gơtùi lơh niam broă lơh pà dà ai tiah đah đơm in tus nhai 5 lơm, tài bơh tơnau dơng dà ờ geh brong yuh dà tơr è.

Nam lài ngai 9/5 là dà neh soăt jơh. Broă lơh bơh nam lài dê là lơh ngan pờ tai, hơ\ là hơđơm dà ờ gơtùi lơh broă tai den kung gam pal pờ geh dùl êt sơl mơya là sơbơng roh ngan, ală mpồl măy gơ rơnggô, gơ pồt, ờ gơtùi lơh broă niam. Pờ măy tus tu\ dà gơhoài soăt tus khà 464 den ơm, hơ\ là lơh tơngò ngan tai nàng pà dà ai tiah đah đơm in. Tu\ lơh tơnau dơng dà neh kơlôi tus ală jơnau dà ia, kơlôi tus hiòng dà hòr soăt ngan rlau jơh, mờ ală dà ia bàr pe jơ\t nam do. Tu\ gơ ơm tàm bơta ờ niam bè do den Mpồl đơng lam sơndră trồ prang, geh bal dà lơgar tus dong kờl tai, geh bơyai nàng geh gùng dà broă lơh, mờ tàm do den tơnau dơng dà broă rơndăp lơh là ờ geh brong dà nàng yuh dà ờ.

Tàm Tây Nguyên, hìu măy pờ tơlik ồs đèng tàm ală hiòng dà dờng dờng tìp dùl êt kal ke, den ală hìu măy pờ tơlik ồs đèng tàm ală dà dờng, dà croh dềt den sơlơ kal ke ngan gi\t lơh. Ồng Trương Công Hồng, Phó Kuang ătbồ Sở Công thương càr Dăk Lăk pà gi\t, neh geh 2 hìu măy pờ tơlik ồs đèng yal pal ơm lơh broă tài bơh ờ geh dà là hìu măy pờ tơlik ồs đèng Ea Drăng 2 (6 me ga oat) mờ hìu măy pờ tơlik ồs đèng Ea Tul 4 (6 mê ga oat). Mờ bơta trồ prang ro kơnra` ngan bè tu\ do, jơh 24 hìu măy pờ tơlik ồs đèng tàm Dăk Lăk ndrờm pơn jăt tai tơrmù đèng lơh gơlik.

Nam lài, kờp jơh đèng lơh geh pơgăp 3 tơmàn ki lo oat jiơ den nam do pal tơrmù 20%. Tài bơh nam lài jơh mìu gờ`, dà gơ hòr mờ dà căt ờ tơl, hơ\ sồng ală tơnau dơng dà ờ bềng, den tàng gơlik jơnau đèng lơh gơlik tàm nam do gơtìp gơrềng.

 Dà dờng soăt, tơnau dà ro kơnra`, hìu măy pờ tơlik ồs đèng kal ke ờ gơtùi lơh broă

Ală jơnau kờp du\ kơlôi sơnơng lài mờ tu\ lơh ală broă lơh hìu măy pờ tơlik ồs đèng tàm Tây Nguyên ndrờm bè neh ờ go\ đơs jơh bơta trồ prang soăt dà tàm tiah do. Trồ prang soăt dà gơbàn sùm tàm uă nam do neh lơh dùl ròt broă lơh gơtìp kal ke ngan. Do ngan là tu\ kờ` pal sền wơl jơnau bơh tài gơbàn bơh bơta ờ geh dà tàm ală hiòng dà dờng dê.

Digơlan bal mờ bơta gơrềng bơh tam gơl trồ tiah dê, den broă brê bồ tô dà neh mờ gam gơtìp mus kơl jơh chi che neh lơh tus ală “kơldung dà geh is” tàm Tây Nguyên ờ gam tai, “ală kơldung dà kòn bơnus lơh gơlik” kung soăt ro jơh sơl.

Dà dờng soăt, tơnau dà ro kơnra`, hìu măy pờ tơlik ồs đèng bòl glar kal ke ờ gơtùi lơh broă là cơng tàng tơngo\ loh làng ngan ai broă brê gơtìp mus kơl jơh chi che dùl bă nđàc sơngit ngan, trồ prang soăt dà tàm Tây Nguyên ngai sơlơ kơn jơ\ tai.

Cau cih Công Bắc- Cau mblàng Lơ Mu K’Yến