VOV4.K’ho- Ngai òr 15/7, Mpồl kuang bàng bơh Ban Bí thư dê bơh Bí thư Đảng dà lơgar, Kuang atbồ Ban Nội chính Dà lơgar là ồng Phan Đình Trạc lơh kuang atbồ mpồl neh geh dơ\ lơh broă mờ Ban Thường vụ Tỉnh ủy Dăk Lăk bè cồng nha lơh jat Kơrnoat Dà lơgar 4 khoá 12 bè sơlơ bơ\t bơtàu, lơh niam wơl Đảng, pơgồp bal mờ broă lơh jat ală jơnau sồr bơh Dà lơgar dê bè kơnòl lơh krơh bơh ală kuang bàng, đảng viên dê, ngan là kuang bàng đơng lam bồ tờm.

                        Dà lơgar sền swì broă lơh bơ\t bơtàu Đảng tàm Dăk Lăk

Tơngai lài, Dăk Lăk neh lam lơh jat niam, dùl ròt bal ală jơnau sồr bơh Dà lơgar dê. Uă ngan kấp ủy, mpồl Đảng mờ kuang bàng, đảng viên tơngo\ nùs nhơm lam lài, lơh krơh, bơsram tàp nùs nhơm bồ tơngoh kăc màng, geh nùs nhơm tam klac bal, tam dră sền tìs di is mờ sền tìs di. Broă lơh sền swì, gròi sền lơh glài đảng geh lơh sùm mờ di tu\. Ủy ban Sền swì ală kấp neh lơh jat kơrnoat lơh glài 256 nă đảng viên bơh ală broă lơh đơs lah tus broă lơh glài tơlik bơh Đảng.

Tàm dơ\ lơh broă, Kuang atbồ Ban Nội chính Dà lơgar dê sồr càr Dăk Lăk lơh jat niam kơrnoat sền swì, gròi sền, sền gròi broă lơh jat gơnăp gơnoar bơh kuang bàng đơng lam, atbồ dê; lơh jat ngan ngồn ală jơnau sồr bơh Dà lơgar dê tàm tam dră rcăng sơndră gơplơ\ gơhùc nùs nhơm, bơthì bơthà, sa kuề sa kùa pơhì pơhà; sền go\ ală broă dong kờl tàm tu\ lơh jat ờ gam dipal tai halà di pal mơya pal bơtơl nàng dan mờ Dà lơgar sền swì bơsong tàm tơngai tus.

Cau mblàng Lơ Mu K’Yến